نرفض أن يعلم اولادنا حملة الدبلومات الفنيه..لالالالا و

بسم الله الرحمن الرحيم

اهالينا صرفوا علينا الوف الجنيهات على ماخدنا الثانويه الزفت الهباب بتاعتهم
وبعدها الجامعه ولا اخفى سرا ان معظم الشعب المصرى من الفقراء يبقى علشان يعلم ابنه بالجامعه يعمل ايه انتم عارفين
واخر حاجه يجوا الكدابين بتوع وزارة التربيه والتعليم ويمسكوا مدرسين معاهم دبلوم صنايع وزراعه وتجارة مدرسين بوزارة التربيه والتعليم الحراميه شوف من كام سنه بيضحكوا على الكل ويخرجوا خرجين جامعه ويعملوا كليات تربيه عامه ونوعيه وكليات اداب وفى الاخر مدير المدرسة دبلوم زراعه وكيل المدرسه دبلوم زراعه اللى ماسك كنترول المدارس كلهم حمله الدبلومات يبقى مين اللى كداب يبقى كانوا بيعملوا ليه كليات اداب وتربيه وتجارة كان ايه لزوم التعليم الجامعى
لا وفى تصحيح المواد اولادنا ياخدوا الدرجات النهائيه فى المواد التى يدرسها حمله الماجستير والدكتوراة وحمله دبلوم التربوى بعد التعليم الجامعى لكن حمله دبلوم الزراعه الساقط بالدراسه الفاشل تعليميا تكافئه وزارة التربيه والتعليم على فشله وتعينه وكيل مدرسه واحيانا ناظر ومدير مدرسه نرفض نرفض ان يدرس اولادنا حمله الدبلومات الفنيه فورا يرفعوا من التربيه والتعليم وينقلوا للمحليات
عقول ابنائنا ليست مسرحا لتجاربك ياوزارة التربيه والتعليم اانتى وزارة فاشله فاشله تخيلوا الناس بتتقدم واحنا زى ماحنا عارفين ان حامل الدبلوم الا القله النادرة فاشل دراسيا ويعلم اولادنا احط الالفاظ لكن الباشا وزير التعليم مش واخد باله مننا وكلاء الوزارات مش واخدين بالهم مديرى الادارات التعليميه مش واخدين بالهم الكل مش واخد باله والضحيه اولادنا والضحيه التعليم بمصر هو سمعه المعلم المصرى والتعليم انحط ليه من كده كل واحد همه الكرسى بتاعه

الواحد منهم همه الامتحانات وجمع الفلوس باى طريقه ازاى ياناس طبعا كل حاجه مشونه بالدواليب انتو يابتوع وزارة التربية والتعليم شويه كدابين بتكدبوا على امه كامله بالتقارير المزورة طبعا مافيش حد شايف شغله وكل سنه ينتصب مولد الشهادات ومحدش منهم عاوز يعمل حاجه شويه حراميه ونصابين فورا ينقلوا للمحليات والمصيبه كمان بيدرسوا بالمرحله الاعداديه واحيانا الثانويه ايوة جمهوريه مصر العربيه ممثله بوزارة التربيه والتعليم علوزة ناس متخلفه فاشله دراسيا علشان ماتقولش لا مش عاوزة ناس تناقش عاوزة ناس نقول موافقه وحاضر وبس طبعا كدابين كالعادة وبننفخ بقربه مقطوعه محدش منكم هيعمل ولايتجرأ يعمل حاجه علشان عاوزين نظام السخرة يستمر نظام الموافقه الدائمه

طبعا هى دى النتيجه الطبيعيه للتعليم البوليسى الديكتاتورى كل عيش وخلاص ان لاقيته واسكت لا مش هنسكت

الدنيا اتغيرت ياوزارة التربية والتعليم شوف ثقافه الطالب قبل التعليم الابتدائى الان ايوة انتو مش حاسيين بنا انتم فى برجكم العالى لاتسمعوا ولاتروا ولاتتكلموا كل عيل قبل التعليم الابتدائى الان عنده ايميل انتم بتضيعوا ماتنفقه وماتخطط له الدوله بسياستكم دى ودة بلاغ للسيد رئيس الوزراء عن ان ماتخطط له الدوله يهدمه موظفى ووكلاء وزارة التربية والتعليم بالعقل كده خليكم انتم العاقلين بتاع الدبلوم الفنى ده هيعلم ولادنا الفوتوشوب ازاى وهو فاشل دراسيا الدنيا تغيرت وكل حاجه الان بالكمبيوتر وانتم بتضيعوا مجهود الناس والاولاد وبتوع الدبلومات يروا ان اولادنا لايستحقوا اى شىء طبعا ماهو كان فاشل دراسيا هيحس بنا ازاى والخرجين لتدريس الابتدائى والاعدادى ملطعين بالشوارع انا عارف احنا مابنعملش حاجه الا لما يجى الامر من فوق الاهى يجى لكم امر ياخدكم كلكم علشان الفلوس والمجهود اللى بتضيعوة هما شاطرين بحاجه واحده نصب مولد الشهادات اللى ماتسويش تمنها الان واخد فلوس الناس هو ده اللى انتو فالحين فيه لكن عقول ناضجه تتحرك بسرعه ناس تخاف على مستقبل البلد ومستقبل اولادنا صدقونا اننا نرفضكم جميعا لانكم شاطرين بالتطبيل وبس

الدوله أنشأت المعامل وانا اشهد بكده لكن معظم اللى ماسكنها من حمله دبلوم الصنايع والزراعه والتجارة
مدير مدرسه ديلوم ازاى وكيل مدرسه طب ازاى

يبقى معامل كمبيوتر ليه وتعليم حاسب الى ومتقدم ليه

مدرسى التربيه الفنيه دبلوم ازاى

انتو شاطرين بعمل صدامات اجتماعيه وبس

هما دول اللى هيعلموا عيالنا بمرحله التعليم الاساسى

أسلوب البحث العلمى

هما دول اللى هيشيلوا من دماغ عيالنا الفكر المنحرف

طب ازاى

ولا علشان انتوا بتودوا عيالكم بمدارس اجنبيه

ايوة انتم كلكم بتعلموا عيالكم بمدارس خاصه وتعليم اجنبى علشان عارفين ان بتوع الدبلومات بمرحله التعليم الاساسى هما المسيطرين حتى على النقابه مسيطرين

صباح الخير صباح الخير يبقى تعليم جامعه ليه خلوها دبلوم وريحونا ايوة هو كده احسن دبلوم وخلاص وبلاش وجع رأس

ولا خلاص مولد الثانويه العامه اتنصب لاصوت يعلوا على صوت المولد

مولد هلب الفلوس من الكنترولات للحبايب ومادراك ماكنترول الثانويه العامه

بدأ المولد علشان الموجههين يلموا فلوس

تعرفوا تقولوا لى كم مخصصات وزير التربيه والتعليم من البدلات

هو ووكلاء الوزارة ومديرى الادارات

وبعدين الوزير والهيئه الموقرة هتقول هو احنا اللى هنعدل التعليم

ماهى خربانه خربانه خليهم يأكلوا عيش بكرة يأكلكم الدود

__________________

ألغاء وزارة التربية والتعليم

بسم الله الرحمن الرحيم

طبعا كلكم مدعوون للمشاركة والحوار

أنتهى عهد الدولة الشيوعيه ودورها بالتعليم الموجه وأصبح من زمان سوق العمل مفتوح ولايخضع لنا وبمعايير جديده والدولة شالت أيدها من تعيين خرجين الجامعات

كل واحد من موظفى التربيه والتعليم يهمه التقارير المفبكرة ومش مهم الناس

كل سنه ينصبوا مولد الشهادات العامه لهلب ونهب الناس وفى الاخر يعينوا ويرقوا حاملى الدبلومات الفنيه الى وظائف تحتاج مبدعين واصحاب فكر علمى مفتوح وبيدرسوا اولادنا بمرحله التعليم الاساسى هل يعقل هذا نعم مدراء بعض المدارس من حملة الدبلومات الفنيه وكلاء المدارس اغلبهم من حمله الدبلومات الفنيه خلاص سموها وزارة الدبلومات مالوش لازمه تضحكوا علينا الواقع شىء وماترسمه الدوله بخططها شىء تانى والاغرب من ذلك كله تمام لا مافيش حاجه تمام اولادنا بطلوا يروحوا المدارس بسبب حمله الدبلومات الفنيه سواء مدير او وكيل مدرسه والمصيبه انه مدرس رسمى ايوة مدرس ولا يقول غير كده كداب رسمى هيعلموا اولادنا ايه انا راضى حكمكم ان كان عندنا ذرة عقل لن نضع راسنا بالرمل تانى من الاخر احنا عارفين ان محدش هيسمع لنا لكن شوفوا لن نصمت على استهبال وزارة التربيه والتعليم
1- نقل جميع حمله الدبلومات الفنيه من المدارس لان هناك حمله شهادات جامعيه تربويه بالشارع احسن منهم فكرا وعلما من عشرات السنين لكن احنا لانتحرك الا بعد خراب مالطه دول مكانهم مش عقول ابنائنا هناك والغالبيه المقتدرة تعلم ابنائها بالتعليم الخاص والاجنبى علشان عارفين مصيبه التعليم من حمله الدبلومات الفنيه يبقى كان ليه بننشىء جامعات هناك من يسرق احلامنا من بيننا سرقتوا احلامنا بشعارتكم الكدابه طول عمركم كدابين ولن نسمح لكم بمزيد من الكذب اى موظف بالتربيه والتعليم يكدب علينا يقعد عند امه هناك ويقول لنا هو هلب اد ايه من وزارة التكيه للتعليم المتوسط ايوة تعليم فاشل لان اللى بيعلم عيالنا فاشل دراسيا اساسا وحمله الشهادات العاليه بالشارع الدوله صرفت والاهالى صرفت والخرجين سهروا الليالى بالمذاكرة ولايعلموا ماتفعله وزارة التربيه والتعليم بتزوير ارادة المجتمع والدولة نعم وزارة التربيه والتعليم تزور ارادة الدوله والشعب ممثله بترقيه مدرسى الدبلومات الفنيه وترقيتهم لمديرى مدارس ووكلاء مدارس ومدرسين وخريجى الجامعات بالشارع علشان اللى معاه دبلوم فنى لايعرف شىء بنظريات التربيه ولن يعترض عليهم موافق دائما طالما ان المكافاة والتربح من الوظيفه قائم طالم انه لن يناقشهم ويقول لهم لا
2- الغاء لقب وزارة التربيه والتعليم الى وزارة التعليم ان كنتم مصممين على ان تبقى مالوش لزمة الكدب لاننا نرفض ان يعلم ويربى اولادنا حمله الدبلومات الفنيه هيعلمهم ايه فى زمن العولمه والسوق المفتوح اذل بدون بهدله مالهاش لزمه حكايه التربية دى انتهى هذا الدور لكننا تعودنا على النظام الاشتراكى الفاشل ونطبق الراسمالى بالاقتصاد ايه الفشل ده
3- الغاء تبعيه المدارس لوزارة التربية والتعليم وان يقف التعليم حتى مرحله التعليم المتوسط ونمشيها دبلومات وخلاص ونريح الدوله مننا ومن التعليم اساسا وكل قريه تعلم اولادها اللى هى عاوزاه واللى المنطقه تطلبه وطالما ان من يدرس بها ويديرها حمله الدبلومات يبقى اللى عاوز يعلم عياله يسفرهم برة مصر طالما اننا اثبتنا فشلنا الذريع بتعليم اولادنا وكل محافظه تنشىء مدارس بنظام التعليم المفتوح هنشوف ازاى
4- الغاء مولد الشهادات كل سنه مولد الشهادات للهلب والنصب على الناس وفى الاخر اللى معاه دبلوم متوسط هو مدير المدرسة وهو وكيل المدرسه وهو مدرس المدرسه وله الكلمه العليا الغاء مولد الشهادات للنصب وجنى الفلوس من قبل وزير التربية والتعليم وكلاء الوزارات مديرى الادارات موجهين المواد اخر واحد مظلوم المدرس من حمله الشهادات الجامعيه والماجستير ويلغى نهائيا نظام الامتحانات الذى الغى بجميع دول العالم لكن بمصر الفرعونيه لم يتم الغائه لانه يوجد هليبه مستفيدين من التهليب وطبع الكتب الزائفه وجنى المال الحرام من تعليم اولادنا وعقد امتحانات لكى تكون السرقه مقننه قانونا بدلا من التعليم المفتوح والغاء نهائى لنظام الحفظ الفاشل نعم نظام الحفظ الفاشل يؤدى لكوارث ربما يمرض الطالب بموعد الامتحانات انما علشان احنا دوله بوليسيه لاترى لاتسمع لاتتكلم العقل بيقول كده المنطق بيقول كده سياستكم الان بتقول كده سيب اللى يسرق يسرق انما تعليم تجنى منه الامه الفائده لا المستقبل مظلم لعيالنا هناك اكرر من يسرق احلامنا بشعارات كدابه فورا لايوجد نصير او ذو عقل فورا يلغى نظام الامتحانات القائم الفاشل ويطبق نظام حضور الطالب لكى يتناقش ويتحاور ويعمل شيتات ويدور ويعطى درجات تراكميه لا وان نفذت وزارة التربيه والتعليم تنفذ باسلوب الحراميه اسلوب عقيم انتم لاتعلموا شىء ولاتوظوفوا اولادنا خلاص نعدهم لسياسات السوق المفتوح ايوة انتم مالكوش دعوة بنا نهائيا تانى خلاص عرفنا ان التعليم بوليس ممنوع على اى موظف بالتربيه والتعليم اعطاء بيانات طبعا هى دى سياسه الدوله البوليسيه الفرعونيه الديكتاتوريه الهند اخترعت اصغر كمبيوتر قلم واحنا اقمنا الان مولد سيدى الثانويه العامه نستورد كل شىء

5- الكبار بمصر يعلموا اولادهم طبفا لما اقول اما بقيه الشعب يولع بجاز مش مهم نخلى حملة الدبلومات الفنيه يقرفوا فى الشعب احنا هنتناقش ونتحاور مع الشعب هو ده اللى ناقص كمان حمله الدبلومات مسيطرين حتى على النقابه كل خبراتنا التعليميه تهرب للخارج لانها هتتناقش مع مين اساسا

6- التعليم الان مهذله بسبب عدم اهتمام الدوله بنا وباولادنا اولادنا لم يعد يذهبوا للمدارس الدروس برة شفتم اسلوب الامتحانات العقيم لان مدرسيهم حتى بالثانويه العامه لبعض حمله الدبلومات الفنيه الدولة بتاعتنا بتحب اوى حمله الدبلومات الفنيه هما تلات سنين بعد الاعداديه وخلاص مش مهم يعنى هيطلع عالم ذرة انتم فين والدنيا فين ان لم نتحرك جميعنا لنهضه بلدنا وانتشال مايمكن انتشاله بنقلهم من التربيه والتعليم للمحليات ووضع المبدعين فورا والغاء الوظائف الاداريه المدرس مدرس وبس اما الادارة تتطلب مبدعين مش فاشلين دراسيا

فى النهايه كل واحد عارف هيعمل ايه ايه ده مستقبل عيالنا مش مستقبلنا اولادنا هيسالونا عملنا ايه كبار رجاله بلدنا عارفين هما عايزين ايه علشان كده بيعلموا عيالهم بالتعليم الخاص والجامعات الخاصه الدور علينا نتخلص من حمله دبلوم الزراعه والصنايع والتجارة من وزرارة التربيه والتعليم اخطر مرحله بعمر اولادنا نتركها للعصا والاساليب القذرة لحمله الشهادات المتوسطه زهور حياتنا نرويها بمياه راكده فاشله لا والف لا لكى ياوزارة التربيه والتعليم انتم مش احسن مننا تقوموا برى زهوركم بمياه معدنيه اى تعليم اولادكم بالتعليم الاجنبى من فلوسنا واحنا حمله الدبلومات الفنيه هما اللى يعلموا عيالنا

الكمبيوتر مادة اساسيه بالمرحلة الاعدادية من العام القادم ….طب ازاى

أورد موقع مصراوى ماجاء على لسان وزير التربية والتعليم

http://www.masrawy.com/News/Egypt/Politics/2008/may/6/learning.aspx

من انه تقرر اعتبار مادة الكمبيوتر كمادة اساسية بالمرحلة الاعداديه

من الذى قرر

هل حالة المدارس تسمح بهذا من وجود معامل

وكوادر مدربة

ومن يتحمل نتيجة العهده الهالكة نتيجة لاستخدام الطلبة للاجهزة

هل تم عمل اعتمادات ماليه لذلك

ماهى الحاله الحاليه

ماذا سيستفيد اولادنا وبخاصه انها تدرس بالفعل الان

هل حالة بعض البيوت تسمح بشراء جهاز للتطبيق عليه

وماذا سيتعلم اولادنا فعلا وبخاصه ان الغالبيه لديه معلومات كبيرة ولكنها ليست ممنهجه

ماذا ستعلموهم عل وندوز برضه اين هى الفائدة ان لم نعلمهم على لينكس

هل كلامى عقلانى ولا فيه تهريج

لو ايضاح حتى نرتاح

ربما هناك جانب خفى علينا