Tag Archives: ديوان انس

اعتقال 6 طلاب من كوادر الإخوان بجامعة المنوفية

انا عاوز اعرف مين اللى بيصنف الناس بمصر
ده اخوان وهذا خمورجى
امين الشرطة اللى بيكتب التقرير

خلاص احنا زهقنا منكم لو سمحتم ارحلوا واستقيلوا وريحونا من النغمه القديمة دى
يعنى ايه اخوان انا واحد عايش بمجتمع المنوفيه وماعرفش يعنى ايه اخوان ماشى كاتب على وشه انا اخوان
وبيعملوا ايه
بطلوا وصايه علينا بقى
سيبوا الناس تعيش
روحوا اتشطروا على اللى سايبين بجنوب مصر
اتركوا الشعب وهاتوا القتلة واللصوص والمرتشيين من الاقطاعيين اللى جوعوا الناس

وانتم ياجماعه امن الدولة بالمنوفيه
المنوفيه مجتمع صغير لاتجعلوا للناس عندكم ثأر حتى لو اغمضتم اعينهم وكممتوهم
لمصلحه من
انتم منا ولنا اعملوا لصالجنا وصالح البلد ولاتسمعوا كلام الكبار هناك انتقام الجبار

انتقام ربنا لن ينفعكم احد

كل شويه امن الدولة بالمنوفيه تقبض على الطلبة
انتم بالمنوفيه مافيش حاجه تعملوها الا الطلبة
وكبار الحرامية لاتستطيعوا الاقتراب منهم

وكل ماكان الطالب فقير ازللتموه هو واهله
وجعلتموة لعبتكم

حسبنا الله ونعم الوكيل

كفايه حرام عليكم اتجهوا للبناء

وانا اطالب بالغاء امن الدولة بالمنوفيه حفاظا على الامن والسلم الاجتماعى مالهمش لازمة بالمنوفيه على اساس اننا محافظة مسالمه

وانتم وجودكم عاوزين تكتبوا تقارير وبس

مهما كان وبتعتمدوا على امناء الشرطة

انا لاانتمى الى اى تيار انما مللنا هذه النغمه فى تقسيم الناس

ياريس
حرام عليك كده

طلبه تنقلهم لوادى النطرون علشان ايه

مش خايفين من ربنا

معلهش امركم الى الله

يترد ليكم فى عيالكم

بكرة الناس تنتقم منكم

ان غدا لناظرة لقريب

الانفجار قادم


ياريس فترة حكمك شهدت اكبر بهدله لطلبة والشعب المصرى على ايدى رجال امن الدولة

كفاية بقى بدل ماتبنوا

بتهدوا مش عاوزين النغمات دى تانى

زوار الفجر بالمنوفيه كتروا اوى ياريس اخير

ولا واحد منكم اهتم بالاهالى او بالناس

ولا حتى المحافظ

من سمح ليكم يابتوع امن الدولة بالقبض على هؤلاء الطلبه

انا اطالب بتقديمكم الى محكمة مجرمى جرائم الحرب بلاهاى

ان شاء الله عن قريب

انتم فاكرين ان محدش عارفكم او عارف اسماؤكم

انتم شاطرين فى التحايل على الناس بالاعتقال المفتوح شكرا ياريس على فترة حكمك المزدهرة

فترة سجن الشعب المصرى
فترة تصنيف الشعب المصرى
وكمان فى محافظتك

اعتقال 6 طلاب من كوادر الإخوان بجامعة المنوفية

الجمعة، 3 أكتوبر 2008 – 16:53

كتب إبراهيم عبد اللطيف

استمرارا لمسلسل الشد والجذب بين جماعة الإخوان والأجهزة الأمنية بالمنوفية، أصدرت مباحث أمن الدولة أمس الخميس، أمرا باعتقال ستة من طلاب الإخوان المسلمين بجامعة المنوفية.. وكان من المنتظر اليوم الجمعة، خروجهم لقضاء العيد مع أسرهم كما وعدت أجهزة الأمن، حيث سبق وقرر جهاز أمن الدولة السبت الماضى إخلاء سبيل جميع طلاب الإخوان المسلمين المعتقلين بكفالة قدرها 200 جنيه لكل طالب.. وذلك على خلفية الأحداث التى وقعت مع اليوم الثانى لبداية العام الجامعى الجديد، عندما قامت قوات الأمن باعتقال 12 طالبا من المنتمين لجماعة الإخوان المسلمين، إثر نشوب مصادمة بينهم وحرس الجامعة بمجمع الكليات النظرية بشبين الكوم أثناء توزيعهم إمساكيات رمضانية وجداول الدراسة.

ونفى د. محمد عز العرب رئيس الجامعة أن تكون المصادمات تمت داخل الحرم الجامعى، مؤكداً أن التحقيقات أثبتت تعدى الطلاب على حرس الجامعة لمطالبتهم بتحقيق الشخصية وأصابوا عددا من أفراده. وأضاف موقع إخوان المنوفية أن الأجهزة الأمنية لم تراع أن الطلاب فى بداية العام الدراسى، وتم اعتقالهم فى شهر رمضان، وتجاهلت قرار النيابة بإخلاء سبيلهم مرتين وأصدرت أمرا باعتقال ستة طلاب منهم، وتم ترحيلهم إلى سجن وادى النطرون فى أول أيام عيد الفطر المبارك.

والطلاب الذين تم ترحيلهم إلى سجن وادى النطرون، وفقا لرواية الموقع، هم: إسلام فؤاد (طاليا أشمون) وأحمد عبد المنصف (شبين الكوم الحى الغربى) وإيهاب الجزير (البتانون) ومحمد صالح (شنتنا الحجر – بركة السبع) وعبد اللطيف البعلاوى (الدبايبة – بركة السبع) وأحمد الأشوح (شنتنا الحجر – بركة السبع

أرقام جلوس المعلمين المتقدمين لاختبارات الكادر 16 اغسطس الجارى

ارقام جلوس المعلمين المتقدمين لاختبارات الكادر 16 اغسطس الجارى

صرح الدكتور يسرى الجمل وزير التربية والتعليم بانه اعتبارا من يوم 16 الى 23 اغسطس الجارى يستطيع المعلم المتقدم الى اختبارات كادر المعلمين التوجه الى مدرسته لمعرفة مكان امتحانه ورقم جلوسه وميعاد الامتحان.

وقال الجمل إنه قد تم تحديد جدول لهذه الامتحانات ولمدة 5 ايام .. مشيرا الى انه قد تحدد يومين للمرحلة الابتدائية ويومين للمرحلتين الاعدادية والثانوية ويوما للتعليم الفنى والفئات الاخرى وسيتم ارسال تلك الجداول للادارات التعليمية لإبلاغها لكل مدرسة وسيتم طبعها وتعلن بكل مدرسة والمعلم الذى لا يعمل بالمدرسة سيعرف رقم جلوسه وميعاد الامتحان ومكانه من خلال الادارة التعليمية.

وتابع الدكتور يسرى الجمل استعدادات الوزارة لعقد اختبارات المعلمين المتقدمين الى المرحلة الثانية لتطبيق الكادر الخاص بهم والتى ستبدأ يوم 24 اغسطس الجارى وتستمر لمدة خمسة ايام..حيث أكد اهمية تهيئة الجو النفسى للمعلم لأداء تلك الاختبارات.

واشار الى ان تلك الاختبارات هى اختبارات قياسية “اختيار من متعدد” من خلال ورقة اسئلة بها مائة سؤال ولكل سؤال 4 اجابات يختار المعلم منه الاجابة الصحيحة.

وأوضح الجمل ان تلك الاوراق سيتم تصحيحها بطريقة الماسح الضوئى “اليكترونيا” دون تدخل العامل البشرى.

وأشار الى أن تلك الاسئلة ستشمل ثلاثة مجالات وهى مجال تخصص المعلم والمجال التربوى ومجال اللغة العربية وقد تم الاعداد الجيد لتجهيز تلك الاسئلة الاوراق وليس هناك درجة حسابية للنجاح وسيتم تحديد المستوى الذى يجتاز به المعلم الاختبار وليس محدد بنسبة مئوية مؤكدا ان تلك الاسئلة ليست تعجيزية أو صعبة حيث نحرص على تسكين اكبر قدر من المعلمين.

وقال وزير التعليم إنه نظرا لإنشغال الجامعات باعمال التنسيق فقد تم الاتفاق وبالتنسيق مع التعليم العالى على ان تتم الاختبارات فى المدارس من خلال الكنترولات الخاصة بالوزارة والادارة العامة للامتحانات لتنظيم عقد الامتحانات تيسيرا للمعلم وادارة الامتحانات فى المدارس تحت اشراف ومتابعة كليات التربية فى جميع انحاء الجمهورية.

وأضاف الجمل ان الادارة العامة للامتحانات قد بدأت فى الاستعداد لتجهيز المدارس وارقام الجلوس بالتنسيق مع المديريات التعليمية حيث سيؤدى المعلم الامتحان مرة واحدة ومدته 3 ساعات.

وأكد الجمل أن تلك الاختبارات سوف تفيد المعلم من حيث كفاءته فى مادته وتمكنه تربويا ولغويا، كما انها تفيد الوزارة فى تحديد الاحتياجات التدريبية المطلوبة لكل مدرسة وكل معلم حتى يتسنى للاكاديمية المهنية تحديد نوعية الدورات التدريبية لكل مجال يحتاج الى تدعيم لدى المعلم لرفع كفاءته وهذا يعد الاسلوب الحقيقى لجودة التعليم من خلال رفع مستوى المعلم.

وقال إن تلك الاختبارات هى بداية للتسكين للمرحلة الثانية فى المستويات الخمسة التى حددها الكادر وهى كأحد الاختبارات التى يجتازها كشرط فى الدورات التدريبية عند الترقية للوظائف الاشرافية أى أنها لن تقلل من شأنه أو تغير من صورته .. موضحا أن تلك الاختبارات اختيارية ويمكن لمن تقدم أن يعتذر من خلال استمارة اعدت لذلك.

وكانت وزارة التربية والتعليم قد عقدت ابتداء من يوم الخميس الماضى حلقات تدريبية مكثفة للمعلمين المتقدمين لاختبارات الكادر بهدف عرض نماذج مختلفة لبنود الاسئلة ونماذج لحلها لتهيئة جميع المعلمين على الاحتبارات التى ستعقد فى هذا الشأن وذلك من خلال وسيلتين هما شبكة الفيديو كونفرانس للوزارة فى جميع المديريات التعليمية بالمحافظات ومن خلال القنوات التعليمية.

المصدر: وكالة انباء الشرق الاوسط


عدو الشعب والمدرسين والطلبة يسرى الجمل

اختبار كادر المعلمين…..المهزلة

أقيلوا عدو المدرسين والطلبة والشعب يسرى الجمل فورا

وثيقة أم ترتر لتطوير التعليم

الرأى العام بيطلب أقالة الجمل والغاء الكادر

شد السيفون على مجانية التعليم

شوفوا الهجص:فكرة الانقلاب لا تزال فى أعماق جماعة الاخوان وبعض…………

شوفوا الهجص:فكرة الانقلاب لا تزال فى أعماق جماعة الاخوان وبعض الاحزاب

الى متى سيستمر من هم يحسبوا بموقع المسئؤلية على الاستخفاف بعقولنا انتهى عهد الاعلام الموجه
واوعى تكون فاكر ان احنا بنصدق اى حاجه من الحكومه او من الظباط اللى بيحكموا الحكومة بلاش هجص
او بنصدق اى حاجه من الحزب الوطنى كلكم بتعملوا سبوبه على قفانا لصالح عيالكم وبيوتكم وكلكم يهمكم ان يتب}أ الناس لكم وقفا علشان كده ان شاء الله مقعدكم محجوز من الان بطلوا بقى قرفنا من الهجص والفشل ضحكتوا الناس علينا ومعدش حد بيحترمنا من كتر الهجص اعملوا حاجه مفيدة انزلوا للناس الاول وبطلوا الخدمات الخاصه لكم وبطلوا الاول كوسه وبتعيين المسئؤليين المرضى عنهم احنا لانعرفكم ولاعاوزين نعرفكم اخدتوا كل حاجه كويسه من ايدينا اهملتم الشباب والرياضه واصبحت مخزن للاداريين على ايديكم كل حاجه تحت ولايه الحكومه خربتها وافشلتها مركز الشباب كانت الاول اهليه ومأن اصبحت تحت ايد الحكومه واستخدمت لصالحها واصبحت مخزن لتعيين الادارييين ولم يعد هناك مكان مجانى لاولادنا يمارسوا فيه رياضه خربتوا كل حاجه فاكر صفر المونديال علشان انتو هجاصيين
روح شوف المسئؤليين بالمنوفيه المرضى عنهم فقط من الحزب تدخلتم بكل شىء انتم ووزاره الداخليه وماهى النتيجه صفر بكل شىء بعهدكم فشلت مصر بكل حاجه على ايديكم علشان كده بقول اغلقوا السفارات المصريه بالخارج ولا انتم بتستخدموها علشان الشوبنج بتاعكم ايوة لرحلاتكم وتنسيقها وتضربوا الشعب بالجزمه وتسرقوة علشان يدفع تمن رحلاتكم ايوة شوف الرحلات التى كانت تتم لابناء المسئؤليين من وزارة الشباب والرياضه وكله على كله وكله بالواسطه هو حد عارف حاجه هو حد هيتكلم
بلاش كدب علينا احنا عارفينكم كل شىء نهبتوة وبالقانون واللى مش عاجبه ينطخ ولا يتسجن تسلطوا عليه كلابكم علشان يطاردوة والسجون العالميه الشهيرة معروفه من مال الشعب وعلى الشعب
الله يريح الشعب منكم ياظلمه ياحراميه حتى عيالنا سرقتوهم بكل اسم رنان وفاكر ان احنا هنصدق الحكومه او اى شىء عن اى تجمع سياسى بمصر وبعدين تعالى هنا انته فاكر ان الاخوان موجودة ان كانت القاعدة موجودة يبقى الاخوان موجودة انما هى بعقولكم المريضه فقط ويتحرياتكم المزورة ماهذا النظام الذى يهتز هو واركانه واحزابه وافلامه من عشرة ولا عشرين واحد وشغاليين سجن فيهم ماشاء الله مثل السكينه بالحلاوة

بطلوا هجص ان كانت امريكا هتحارب ايران وتضربها يبقى هناك اخوان
بعقولكم وعقول اسيادكم فقط بالبيت الابيض
وعيشوا وبطلوا سرقه وخلوا الناس تعيش ولا احنا دوله افريقيه متخلفه من العالم التالت الفنا الرعب والنظام البوليسى الذى يهتم بالتقارير من ظابط عظيم الجمهورية ومش مهم مين صادق واهى سبوبه

بطل الكلام يادكتور يالك ياما عليك
فيه حساب يادكتولا وفيه ناس بسيطة بتقول حسبى الله ونعم الوكيل فيكم ياظلمه

ارحمونا بقى وبطلوا هجص
شعاراتك كدابه احزابكم كدابه
اعلامكم انتم تشتروة وكداب
كل حاجه كدابه
قرفنا منكم
انتهى عهدكم الى مزبلة التاريخ
دمرتم مصر بعد ان كنا العمالقة بالالعاب الفردية
دمرتم لافراد علشان يزداد الحراميه واللصوص بكل مكان
وبكل ناحيه والكل يبحث عن ثغرة ليستفيد منكم

انتم مش فالحين فى اى حاجه
حتى البطاقات الشخصيه مش فالحين فيها
اعترفوا
انتم دولة من العالم التالت
من افريقيا
دولة وليسية يحكمها امن الدولة
وان قلنا بعض الكبار فقط من من الدولة وعلى رأسهم الاخ /حبيب العادلى

شكلهم حلو اوى وهما مجتمعين لكن على فلس
ترى اللى مايقدر الرجال………..
ان كان عندك رجاله خليهم يكملوا لك الجملة

من ازل الرجال ازله الله
نحن بمصر نتميز بقهر الرجال علشان كده ربنا انزل علينا القهر
ورضينا بكم وبما تفعلون لكن انا لله وانا اليه راجعون
وعلى فكرة لاانتمى الى اى تيار سياسى لانة لايعجبنى اى تيار سياسى كلهم كدابين زفه
وناس قاعده بالمكيفات اصحاب مصالح
على قفانا
ونحن نعلم تمام العلم اننا كشعب ليس لنا الا الله
هو نعم المولى ونعم النصير

شوفوا الخبر الهجص ده بيض
فيه ناس بيض

على الدين هلال: فكرة الانقلاب لا تزال فى أعماق جماعة الاخوان 7/30/2008 10:49:00 AM

فكرة الانقلاب لا تزال فى أعماق جماعة الاخوان
على الدين هلال

القاهرة-محرر مصراوي- قال الدكتور على الدين هلال أمين الاعلام بالحزب الوطنى الديمقراطى ان فكرة الانقلاب لا تزال فى أعماق جماعة الاخوان وبعض الاحزاب ..وتساءل قائلا:كيف نفهم حديث البعض عن الجيش وتدخله ..أليست هذه دعوة للانقلاب على الدستور؟.

وقال هلال فى الجزء الثانى من حواره مع جريدة “روزاليوسف” تنشره فى عددها الصادر الاربعاء “ان هذا الكم من التحولات الاجتماعية العميقة التى تحدث فى البلد لم تلق الاهتمام الواجب ..هذه التحولات عادة تأتى هادئة وغير صاخبة ، انما بعد 15 سنة تحدث انفجارات”.

وقد حذر الدكتور على الدين هلال من أن الاعلام سوف يفقد مصداقيته لو واصل نهج الاثارة .

وقال هلال “فى اجتماعات الحزب قلنا لو أننا صدقنا حجم السواد أو الفساد الذى يظهر فى بعض الجرائد لكانت النتيجة أن تقوم الثورة فى مصر منذ عدة سنوات ولكن لم تقم ثورات”.

وأضاف “ان التيار الرئيسى من المواطنين يعتقد أن هذا النظام يوفر له الحد الادنى من احتياجاته .. هناك مشاكل نعم .. هناك ارتفاع اسعار نعم .. انما لا يوجد بديل له مصداقية”.

وقال هلال ان دور الاعلام سوف يزداد فى تشكيل المزاج العام أو الصور الذهنية عن الاشخاص أو الكيانات السياسية .

وأوضح الدكتور على الدين هلال أن هناك ثلاثة أطراف فى مصر تتصارع على كسب قلوب وعقول المصريين من خلال الاعلام ، وهى الحزب الوطنى الديمقراطى صاحب الاغلبية ، والاحزاب السياسية والذى لا يستقيم وضعها الراهن مع تفعيل التطور الديمقراطى للبلد ، وتيار الاخوان المسلمين وهو تيار سياسى ممكن الناس تختلف على حجمه أو قوته وبحكم طابعه السرى فان اى تقدير لهم لن يكون صحيحا.

وحول رؤيته لجماعة الاخوان ، قال هلال “هناك منذ البداية غموض متعمد وخلط متعمد بين النشاط الدعوى الى الاسلام الحنيف وبين النشاط السياسى رغم أن هناك تناقضا رئيسيا بين المجالين”.

وأشار الى أن الاخوان شاركوا فى العملية السياسية قبل 1952 وبعدها ، انما الامر الجديد أنهم لم يتقدموا قط لانشاء حزب سياسى قبل 1952 ودخلوا الحياة السياسية منذ منتصف الثلاثينيات وتحالفوا مع أحزاب ضد أحزاب ..مع القصر والملك ومع الضباط الاحرار ، فى وقت من الاوقات كانوا قوة فاعلة .

وأشار الدكتور على الدين هلال الى أن هناك قوة رابعة اخرى تسعى الى كسب قلوب وعقول المصريين من خلال الاعلام ..وهى مجموعة حركات سياسية تجتذب الاثارة الاعلامية من آن لاخر مثل شباب 6 ابريل أو حركة كفاية أو مواطنون ضد الغلاء .. مواطنون ضد التمييز”.

واعتبر أن ظهور كل هذه الحركات يعبر عن نقص فى الحياة السياسية ،وقال “لو كانت الاحزاب السياسية فاعلة ونشطة وتقدم قنوات اتصال فعالة تعبر عن الشباب لما قامت هذه الحركات .

المصدر: وكالة انباء الشرق الاوسط

يأخى دا رأى وانا حر فيه هو انا لاسمح الله شايف حاجه صح امامى وهفترى ابدا كلهم مجموعه لايهمها الشعب

عاوز حاجه امسكها بايدى علشان اقول انا غلطان لكن كله هجص

تدخل الحياة وتخرج منها بمصر

ولاهم لك الا ان تدفع باستمرار لكى تعيش لايعطوك انما يبحثوا عن المليم علشان التنميه امام بيوتهم

علشان التنميه بشراء احدث الاسلحه للحراسه

وزيادة المكافأت والعلاوات للحراسات وشراء ولائهم بالمال علشان احنا دولة من العالم التالت

علشا شراء عربيات

علشان شراء صحفيين

علشان شراء المسئؤليين الكبار لاخفاء كل شىء

علشان يباع الغاز المصرى لااسرائيل ةاحنا نشيل انبوبه البوتاجاز على قفانا

علشان وزير الخارجية الفرحان بتصدير الانسان المصرى الى جنوب افريقيا

تصدير وتهجير العقول المصرية

بس اللى ماتعرفوش ياوزير الخارجيه ان المصريين عارفين سكة جنوب افريقيا من زمان

فرحان بالغم والهم

فرحان ان مالهمش مكان ببلدهم

فرحان انك بتصور لنا ان جنوب افربقبا متخلفه

ابدا دى من الدول المتقدمة والموساد شغال بها الله ينور

ديوان انس

محكمة جرائم الحرب ودورات مياه المدارس واشغال المدرسين بالكادر

الله لايربحك ولايكسبك ياوزير التعليم على ماتفعلة بالمدرسين انت ظالم ومجموعه الاداريين العامليين معك خلصت على الطلبة اندارت على المدرسيين ان شاء الله يديروك على القبله اليوم ياظالم يامن اضعت انت ومن قبلك كرامه المعلم وجعلتم السيطرة لوزارة الداخلية على عمل المدرس يامن انصعت لامريكا انت ومن يرأسك يامن ابعدت المسلمين عن دينهم وشاركت ولازلت تشارك ان شاء الله يحجز لك موقعك بجهنم انت ومن على شاكلتك قلنا لك ان الاطباء والمهندسين طبق لهم كادر بدون امتحان انما انت تساعد الدولة بزحلقتنا وعدم المساواة بالكادر قالوا لك اضحك على المدرسين وطول الحبال معاهم قلت انت بسيطة كادر واكاديميه وامتحانات بدلا من اصلاح الاثاث المدرسى من القرن الماضى وبدلا من توصيل المجارى للمدارس وبدلا من الحفاظ على الصحة العامه وانشاء دورات مياة صحية غير ناقله للامراض نعم دورات المياه بالمدارس تنقل الاؤبئة بين التلاميذ ولايتم تدريب التلاميذ على قواعد النظافة الشخصية  لانه تحت شعارك ممنوع على اولادنا يشخوا كمان بالمدارس انما هم اولاد عبيدك انت والدولة نعم المنظفات التى تصرف بالمدارس حبر على ورق  لانها عهدة الناس تستخدم على الاقل السبورة البيضاء وانت الى الان ياوزير الغبرة تستخدم الطباشير والسبورة السوداء بالمدارس انت كذاب وجميع من يعمل معك من الكذابين طالما لاتهمك صحه المدرس او التلميذ وجاى تتكلم عن تطوير التعليم  فصول قديمه باثاث لاينفع حتى البهائم وانت تريد ان تختبر التلاميذ فاكرهم دبلوم تجارة ولا دبلوم زراعه زى بعض مدراء المدارس دبلومات فنيه بالاقدمية ايها الكذاب نعم انت تكذب الدولة تخطط صح لاكنك انت وامثالك انت ومستشاريك لايهمكم الا النهب والسلب من اموال الناس واطالب بتقديمك لمحمة جرائم الحرب ضد المصريين للاستخدام اثاث من القرون الوسطى واستخدام الطباشير والسبورة السوداء ودورات المياة الناقله للامراض  المغلقة والشبه نظيفة عندما نحضر لجنة جعلتم حياة النادس دروس بالليل والنهار واهمالك لعلاج المدرس واصدارك لتعليمات نسأل الله أن يؤاخذك عليها انته لو عندك دم استقيل بعد فضيحه الثانويه لكنك تحلم وبكرة اخر خدمه الغز علقه زى من سبقوك تاريخك اسود بانك شاركت انت وجميع العاملين بوزارة التعليب للنهب والسلب من فلوس الامتحانات كلهم ولا واحد عنده جرأة للاصلاح الفعلى وتطبيق الحديث انما عقول وكروش ناهبه امتلات بحب السلطه ونهب العباد وشغلهم وتسيس التعليم لااخراج جيل يسلم بما يملى عليه ومن يخالف يسجن هو ده قدرنا بمصر هل هناك حصص مفتوحة للمناقشه لا والف لا كيف يتم ذلك بالدولة البوليسية التى تنصاع لامريكا بكل شىء
أنت لاتسمع لاترى لاتتكلم طالما ان التقارير كله تمام ولا واحد يهتم لانك ظالم انت ومن يكتب لك التقارير وجميع اللجان التى ترسلها كاذبة مثلك
التعليم حجر الزاويه لذلك هدمه الظباط انت ومن قبلك من الوزراء التعليم سهلتم للظباط باى ناحيه مايريدون ووليت بالوظائف العليا اصحاب اللحم والكبار بالسن والمرضى عنهم من الحزب الوطنى من ليس لديه فكر حديث او تجاوب مع متطلبات السوق والحياة ومن يريد تعليم اولاده بفلوس كل حاجه بفلوس حتى الفكر الحر بمصر لايوجد معك حق انت ومن معك تخافون من الفكر الحر الحديث تخافون من فكر واسلوب الشباب

تغيرت الدنيا وبدل من ان نحترم جلبتم لنا العار والذل فى كل قرار تصدرة وقرارتك باسلوب احكم شعبك الاول واضبط شعبك هذه تعليمات اسيادك بالبيت الابيض تركوا لكم الحبل على الغارب لانكم تنفذون مايريدون

يمكنك ان تقرأ أيضا

لا لاختبارات المرحلة التانية من كادر المعلمين

أمتحنى فى المنيا يابا


انت تكذب انت ومن معك انت اجبرت الناس لكى يقوموا بالتسجيل شوف الخطابات التى تأتى للمدارس نعم كل خطابتكم تهديد ووعيد لانك تعلمت بفكر الدولة الديكتاتورية البوليسيه لاننا دوله فى افريقيا فى العالم الثالث اسلوب من يتكلم يأخذ على رأسه
انته فاكر انك بعيد انته اول واحد ان شاء الله تقدم لمحكمة جرائم الحرب ضد الانسانية وماتفرحش بان عمليه الثانويه انتهت انما تقدم لخداعك جميع المدرسين
وعماليين تعملوا سببوة انت والعاملين معك بالتسويق لشركات الكمبيوتر مثل مايكروسوفت وانتل وتجبر المدرسين على حضور دورات الاى اى سى دى ال علشان تكبر السبوبة
لكن هذه الشركات مثل انتل فضحتكم على موقعها من تلقى فلوس باى تسمية وباى شكل
علشان تسوق لكمبيوترات بالمدارس لاتساوى ثمنها من الجيل التالت
هو حد عارف حاجه والى الان تستخدمون نت الدايل اب علشان السرقه تحلو اكتر
ومنذ توليت لم يعد هناك نشاط طلابى بالصيف هو حد فاضى

ناس طالعه معاش تختبرها لييه
ناس مش عاوزة من وشك حاجه استريح وريحنا اخر حاجه واخطر حاجه خداع المدرس ازاى هتعيشوا بعد كده

شوفوا الكذب

لجمل: بدء الاختبارات الخاصة بكادر المعلمين أواخر أغسطس 7/28/2008 11:35:00 AM

بدء الاختبارات الخاصة بكادر المعلمين أواخر أغسطس
الدكتور يسرى الجمل وزير التربية والتعليم

القاهرة-محرر مصراوى- صرح الدكتور يسرى الجمل وزير التربية والتعليم بأن الاختبارات الخاصة بكادر المعلمين جزء من إجراءات التسكين للمرحلة الثانية لتطبيق الكادر وهى اختيارية للمعلم الذى يرغب فى التسكين بالكادر لمنح التراخيص بالنسبة للمسميات الجديدة للكادر .

وأوضح الوزير – فى تصريحات له الاحد – أن الاختبارات تعد فرصة حقيقية للوقوف على الجانب التربوى أو المهنى أو مستوى اللغة لكل معلم على حدة وتعطى المؤشرات الحقيقية لنوعية التدريبات التى يحتاجها كل معلم .

وأضاف “لقد أظهرت نتائج تسجيل المعلمين للمرحلة الثانية للكادر نتائج مشجعة للغاية حيث بلغت أكثر من 900 ألف معلم وهذا يدل على حماس المعلمين ، كما أن النتائج فى الامتحانات التجريبية التى أجريت على 20 ألف معلم كانت مشجعة أيضا .

وقال الوزير “تيسيرا على المعلمين فإن الوزارة وضعت على موقعها مواصفات الامتحانات ونماذج من الاسئلة ونماذج من الاجابات للاسترشاد بها وستبدأ تلك الاختبارات فى الاسبوع الاخير من أغسطس المقبل حتى يتم الانتهاء من جميع أعمال الامتحانات ولمدة 5 أيام وسوف يحصل كل معلم على خطاب محدد به مكان وموعد الاختبار الخاص به فى الجامعة التى سيتم تحديدها لموقعه” .

وأشار إلى أنه فى حالة عدم اجتياز المعلم الاختبارات فسوف يحدد له فرصة أخرى فى أغسطس 2009 .

أما من لا يرغب فى التسكين فى المرحلة الثانية للكادر فسيستمر بعلاوته وكل مميزاته وحصوله على 50 % فقط ولا يستفيد من مزايا المرحلة الثانية للكادر وهى زيادة الحافز من 50% إلى 150% مع عدم تسكينه فى التسميات الجديدة للكادر .

المصدر: وكالة انباء الشرق الاوسط