Tag Archives: اقالة يسرى الجمل

دورات انتل بوزارة التربية والتعليم بعهد مبارك اللى لابيشوفنا ولايسمع لنا بينه رئيس ناس تانية

دورات انتل بمعامل وزارة التربية والتعليم كالعادة حبر على ورق

حكومتنا كالعادة حكومة ديكتاتورية لاتسمع الا نفسها

وزارة التربية والتعليم هى نتاج لهذا الانحراف الفكرى السادى
يوم ان قررت بالتعاون مع شركة انتل عقد دورات للسادة المدرسين بمعامل وزارة التربية والتعليم

اولا
هل تصرف الدولة مبلغ من المال للمعلم لشراء لابتوب او كمبيوتر كفى او ديسك توب

كلا و والف كلا

دى الدولة فضحت وجرست المدرسين علشان اختبار الكادر بتاع الوزير ابو ضحكة جنان لزحلقه الناس
ولعمل لعبه دنيئه على المعلمين ستكشفها الايام
علشان محدش يصدق وزارة التربية والتعليم
والاعيبها على الناس
كأننا من دولة العبيد
مصرمتمثلة بالطبقة الحاكمة بتعامل مواطنيها اسوأ معاملة بكل العالم
ولم نرى حكومة تعامل شعبها وموظفيها بهذا السوء والتحايل والازدراء حتى العبيد بيتم اكرامهم احيانا اما دولتنا الكريمه يتم تقريب مستشاريين الوزير وشراء المكيفات والعربيات من فلوس الشعب
ويتم عمل الدورات لحساب الشركات العالميه وعمل فرقعه اعلاميه الحق ياجدع الوزارة بتعمل دورات والكل لازم يروح وكالعادة بدولة مصر الديكتاتوريه اللى مش هيروح الدورة بتاع تحضير الاسياد هينضرب بالجزمة الميرى ازاى هم لم يتعلموا الحوار وانما رفس وسجن الناس
كل حاجه بالارهاب والجزاءات هاتوا لنا لابتوب وانا ابصم ليكم بالعشرة انى اذهب الى تلك الدورات السبوبه علشان خاطركم

كل حاجه بمصر حبر على ورق
ازاى شوفوا الدورات مرة يتم تسميتها انتل ومرة يتم تسميتها اى سى دى ال
كدب ونفاق ومحدش عارف حاجه
والهليبه بتوع وزارة التهليب والتعليب بيلعبوا بمنطقة مافيهاش وش محدش يمسكهم علشان السبوبة تكبر
طيب بتعمل ايه بتلك الدورات ولا حاجه
لايتم ياوزير التهليب توزيع اى منهج رغم ان هناك كتب لبرنامج الاوفس تعطى للحبايب
طيب ماتوزع الكتب على المدرسين وكل واحد يطبق فى بيته ويتعلم

ياعالم يامتخلفه يابتوع وزارة التربية والتعليم ربنا يولع فيكم بجاز وسخ مجموعه من العقول المتحجرة
شركة جوجل موظفها يلبس ينام يلعب داخل الشغل هو حر يلبس شبشب هو حر المهم العقل الابداعى لايحده حدود انما انتم بتوع الزى الرسمى انتم مجموعه كوارث من المتخلفين عقليا كل متخلف يضع طوبه بهدم المجتمع يجى ديكتاتور سادى يكمل المسيرة
ومين اللى بيدرس وفين الاجهزة ولا هو استهلاك لمعامل عيالنا ووقتهم

ياريس
ياريس
ياريس
حرام عليك كدة
انته ونظيف بتاع القريه الذكيه اللى مابيعرفش حاجه

معامل الكمبيوتر المتخلفه دى مش بتاع عيالنا
صح قول صح
يدربوا المدرسين عليها لييه
شوفوا الحراميه بتوعو التطوير التكنولوجى ولاحاجه

ياريس مش كدة زى وزير التعليم اخد من تغذيه عيالنا 80 مليون للكادر المعفن بتاعه

ياريس دول بيضحكوا علينا كله على ورق
طيب وايه الهدف من كده
احنا مش عاوزين كدب
الناس مش لاقييه تاكل وانتم بتنصبوا
بصراحة احنا بمصر زهقنا من النصابين والحراميه وكل واحد عاوز يعمل سبوبه على قفانا
مش كده
العقل ياناس شويه مافيش اى مجال واحد عاقل بيسمع
عاوزين حاكم مدنى خلاص ياريس انته كده شكلك سلمت الرايه لما العقل بيقول نشوف الحراميه بتوع التعليم الوزير ومستشاريه

واحد همه بالليل والنهار قوت عياله اخده من 8/2 علشان دورة نظمها مجموعه من المعتوهين الحرامية ولايعطوا المدرسين شىء اما الوزير وجماعته بالمكيفات
الحاجه ام الاختراع
وبعدين هى وزارة الخراب والدمار المسماة بوزارة التعليم
تحولت وتركت مهنه التعليم الى التسويق لشركة انتل هى دورة ايه بالظبط

مصر لم ترى خير من حكم العسكر ولن ترى خير لانهم يديرون مصر بنظام ميز الظباط

نعم طبقة الظباط الحاكمة لمصر ومعهم رجال المخابرات وامن الدولة والداخلية الحاكمين لمصر لايعرفوا معنى التحاور المدنى والانتقال الطبيعى للسلطات وان النظام الحاكم على رأسه ظابط يكافىء الظباط وبقيه الشعب يعمل بميز الظباط وينضرب بالجزمة

والباشا الظابط يترك وزير التعليم يفعل مايشاء طالما انه مسيطر على الوضع

بصراحة كفايه عليكم كده معشر الظباط اخدتم فلوسنا وضحكتم علينا
وانته ياريس لاتسمع لنا ولاتاخذ برأينا كانما احنا ماشيه الله اعطاك حق ان تفعل بها ماتشاء

بصراحة انتم عقولكم متحجرة ولاتصلحوا لهذا الزمن
وماتنفعوش نريد التغيير
والتغيير هذا مش معناة جمال مبارك لا والف لا

التغيير مننا احنا الشعب
الشعب الناضج مش اللى الدولة بتسيطر عليه
كفايه اللى عملتوة
سرقتونا عينى عينك ولاتستحوا ابدا واخباركم بالجرايد وكذبكم العلنى
نعم لانريد اى واحد من عينتكم لانكم شبهه
لانريد جلد الحربايه او من يتلون مثل الحربايه

احنا بنعمل اللى احنا عاوزينه مش باقى الا المدرسين نستمع ليهم

اضربوا دماغكم فى الحيطة

يعنى ايه شويه مدرسين بناقص مليون

انتبه لقفاك انته فى مصر

طنش تعيش تاكل قراقيش قصدى على قفاك

من فضلكم ارحلوا عن سمانا وكفاياكم زهقنا من عدم الاستماع لنا وتصميمكم على اذلالنا وقهرنا مش علشان شويه افراد تهينوا مجتمع بكامله وتسرقوا احلامه

نسمع منكم ايام الانتخابات فقط

اما غير ذلك بتدونا بالجزمة

الفلوس لكم السيارات لكم المكيفات لكم

المكافأت لكم

البدلات لكم

القرارات لكم

البلد لكم

الجيش والشرطه لحراستكم

التقارير ترفع لكم

شويه كبار السن يحكموننا مش فاضيين للشعب عاوزين دم جديد مش عاوزينكم

خلاص انتم اعطيتوا استريحوا بقى الزمن هذا ليس زمنكم

زى ماطنشتونا هنطنشكم وقت ان تعوزونا

الزمن ده مش زمنكم خلاص اللى جوة النفوس اكتر من اللى على السطح ارحمونا بقى من المسكنات على الواقع كل حاجه زفت

كل واحد بيجيب حبايبه واصحابة

بس

ولايوجد اى نوع من الشفافيه

جعلتوا حياتنا صفر كبير

طلبنا اقالة وزير التعليم لانه غير صادق هو والعاملين معه فى مايريدون اختبار النس فيه

انا طالب مراجعه اسئلة امتحان الكادر

وتسألوا الوزير هل تحقق ذلك

ام ان فاقد الشىء لايعطيه

على الطبيعه المهم ان الورق فقط يكون سليم

ظلمه فى الاول والاخر ظلمه فى اخفاء المعلومات عن الشعب

نحن لانصدق الجرايد اليوميه او نشتريها لانها تسبح بحمدكم ليل نهار الكل بيرفع ليكم ويكدبوا علشان ايه علشان يقعد يهلب وبس شكر على ايه على اضافات ليست من اساس المرتب وكانه فرحان بما وصل اليه ولايهمه المصلحه العامة وانما ان يبقى اطول فترة

أقيلوا وزير التربية والتعليم فورا يثق بكم شعبكم

ولاواحد استجاب من مسئؤليين الدولة لنا
كأننا نريد فتح معبر غزة
شوفوا الحكومة بتعاملنا ازاى كانهم يسمعون انفسهم فقط كانهم هم اصحاب المال والارض واحنا شغاليين عندهم
قلبوا الموازيين ولاحياه لمن تنادى
مين ابن هبله هيصدقكم تانى بتحلموا
شبعنا

مليون معلم يؤدون اختبارات الكادر الاحد والإجابة بالقلم الرصاص‏ فقط 8/23/2008 9:43:00 AM

القاهرة – محرر مصراوي – يؤدي 945‏ ألف معلم ومعلمة الاحد اختبارات المرحلة الثانية للكادر الخاص بالمدارس والجامعات‏ التي تم اختيارها لتكون مقرا للجان سير الامتحان‏.‏

وقال الدكتور رضا أبوسريع مساعد أول وزير التربية والتعليم إنه سيتم تسليم كل ممتحن كراسة للأسئلة تتضمن‏100‏ سؤال في المجال التربوي واللغة العربية والتخصصي.

كما سيتسلم ورقة للإجابة معدة ليضع علامة علي الإجابة التي اختارها في كل سؤال بقلم رصاص فقط‏.‏

وقال إنه سيتم نقل أوراق الأسئلة والإجابة معا إلي مقر المركز القومي للامتحانات والتقويم التربوي بالمقطم لإجراء عمليات التصحيح‏.‏

واكد انه سيتم استخدام أسلوب الماسح الضوئي في التصحيح وفقا لبرامج آلية معدة لذلك وسيكون التصحيح بمعدل‏3‏ آلاف ورقة في الساعة الواحدة ومن المنتظر انتهاء أعمال التصحيح وإعلان النتائج خلال‏10‏ أيام علي الأكثر من انتهاء الامتحان يوم الخميس المقبل‏.

المصدر: وكالة انباء الشرق الاوسط

أرقام جلوس المعلمين المتقدمين لاختبارات الكادر 16 اغسطس الجارى

ارقام جلوس المعلمين المتقدمين لاختبارات الكادر 16 اغسطس الجارى

صرح الدكتور يسرى الجمل وزير التربية والتعليم بانه اعتبارا من يوم 16 الى 23 اغسطس الجارى يستطيع المعلم المتقدم الى اختبارات كادر المعلمين التوجه الى مدرسته لمعرفة مكان امتحانه ورقم جلوسه وميعاد الامتحان.

وقال الجمل إنه قد تم تحديد جدول لهذه الامتحانات ولمدة 5 ايام .. مشيرا الى انه قد تحدد يومين للمرحلة الابتدائية ويومين للمرحلتين الاعدادية والثانوية ويوما للتعليم الفنى والفئات الاخرى وسيتم ارسال تلك الجداول للادارات التعليمية لإبلاغها لكل مدرسة وسيتم طبعها وتعلن بكل مدرسة والمعلم الذى لا يعمل بالمدرسة سيعرف رقم جلوسه وميعاد الامتحان ومكانه من خلال الادارة التعليمية.

وتابع الدكتور يسرى الجمل استعدادات الوزارة لعقد اختبارات المعلمين المتقدمين الى المرحلة الثانية لتطبيق الكادر الخاص بهم والتى ستبدأ يوم 24 اغسطس الجارى وتستمر لمدة خمسة ايام..حيث أكد اهمية تهيئة الجو النفسى للمعلم لأداء تلك الاختبارات.

واشار الى ان تلك الاختبارات هى اختبارات قياسية “اختيار من متعدد” من خلال ورقة اسئلة بها مائة سؤال ولكل سؤال 4 اجابات يختار المعلم منه الاجابة الصحيحة.

وأوضح الجمل ان تلك الاوراق سيتم تصحيحها بطريقة الماسح الضوئى “اليكترونيا” دون تدخل العامل البشرى.

وأشار الى أن تلك الاسئلة ستشمل ثلاثة مجالات وهى مجال تخصص المعلم والمجال التربوى ومجال اللغة العربية وقد تم الاعداد الجيد لتجهيز تلك الاسئلة الاوراق وليس هناك درجة حسابية للنجاح وسيتم تحديد المستوى الذى يجتاز به المعلم الاختبار وليس محدد بنسبة مئوية مؤكدا ان تلك الاسئلة ليست تعجيزية أو صعبة حيث نحرص على تسكين اكبر قدر من المعلمين.

وقال وزير التعليم إنه نظرا لإنشغال الجامعات باعمال التنسيق فقد تم الاتفاق وبالتنسيق مع التعليم العالى على ان تتم الاختبارات فى المدارس من خلال الكنترولات الخاصة بالوزارة والادارة العامة للامتحانات لتنظيم عقد الامتحانات تيسيرا للمعلم وادارة الامتحانات فى المدارس تحت اشراف ومتابعة كليات التربية فى جميع انحاء الجمهورية.

وأضاف الجمل ان الادارة العامة للامتحانات قد بدأت فى الاستعداد لتجهيز المدارس وارقام الجلوس بالتنسيق مع المديريات التعليمية حيث سيؤدى المعلم الامتحان مرة واحدة ومدته 3 ساعات.

وأكد الجمل أن تلك الاختبارات سوف تفيد المعلم من حيث كفاءته فى مادته وتمكنه تربويا ولغويا، كما انها تفيد الوزارة فى تحديد الاحتياجات التدريبية المطلوبة لكل مدرسة وكل معلم حتى يتسنى للاكاديمية المهنية تحديد نوعية الدورات التدريبية لكل مجال يحتاج الى تدعيم لدى المعلم لرفع كفاءته وهذا يعد الاسلوب الحقيقى لجودة التعليم من خلال رفع مستوى المعلم.

وقال إن تلك الاختبارات هى بداية للتسكين للمرحلة الثانية فى المستويات الخمسة التى حددها الكادر وهى كأحد الاختبارات التى يجتازها كشرط فى الدورات التدريبية عند الترقية للوظائف الاشرافية أى أنها لن تقلل من شأنه أو تغير من صورته .. موضحا أن تلك الاختبارات اختيارية ويمكن لمن تقدم أن يعتذر من خلال استمارة اعدت لذلك.

وكانت وزارة التربية والتعليم قد عقدت ابتداء من يوم الخميس الماضى حلقات تدريبية مكثفة للمعلمين المتقدمين لاختبارات الكادر بهدف عرض نماذج مختلفة لبنود الاسئلة ونماذج لحلها لتهيئة جميع المعلمين على الاحتبارات التى ستعقد فى هذا الشأن وذلك من خلال وسيلتين هما شبكة الفيديو كونفرانس للوزارة فى جميع المديريات التعليمية بالمحافظات ومن خلال القنوات التعليمية.

المصدر: وكالة انباء الشرق الاوسط


عدو الشعب والمدرسين والطلبة يسرى الجمل

اختبار كادر المعلمين…..المهزلة

أقيلوا عدو المدرسين والطلبة والشعب يسرى الجمل فورا

وثيقة أم ترتر لتطوير التعليم

الرأى العام بيطلب أقالة الجمل والغاء الكادر

شد السيفون على مجانية التعليم