Category Archives: نتيجة الكادر بشهر اكتوبر علشان السبوبة تكبر

نتيجة الكادر بشهر اكتوبر علشان السبوبة تكبر

واضح ان الوزير دقيق جدا فى الوقت ( وزير سويسرى ) شهرين لاعلان النتيجه مع ان التصحيح بيتم بسرعة 5000 ورقه/ساعه (يعنى رهوان زى ما قالوا) ليه هى نتيجه “جملى” ؟ والله الظاهر انها “جملى” ، ولا بينها “جملى ” ، ولا الأخوه اللى فى سبوبة الكادر وشغالين فى كنترول الكادر بيتحاسبوا باليوميه زى الانفار فى حقول القطن ؟؟؟؟؟؟ عموما شهرين يكون الموضوع هدى و النفوس هديت ومين عارف يمكن الوزاره كمان تكون اتهدت قصدى هديت
وبعدين الاعتمادات موجوده يعنى اطمنوا الاعتمادات فى ايد امينه (مش يسرى) سابقا – وغالبا موجوده فى بنوك وياريت ياريت ياريت يكون عليها فوائد يعنى لمصلحتكم يا معلمين الفوائد دى (لو موجوده ) هتروح فين ؟؟؟ كلها ليكم يعنى الناجح هياخد كادر و حته من الفوايد والا انتم فاكرين ان الفوائد دى هتروح هنا ولا هنا لاسمح الله؟؟؟؟؟ …. دى هتيقى هيصه وزيطه ………دا المدرسين حيلموا لم (بس الشاطرين اللى نجحوا طبعا ) لكن الفشله هيتمدوا بالفلكه فى طابور الصباح (عشان كده اتاجلت النتيجه لأكثر من شهر من بداية الدراسة لضمان الانتظام ووجود الطلبه- امال يعنى الفلكه هتبقى سكيتى؟؟- ) وماتقوليش ان الضرب اتمنع فى المدارس لان اللى اتمنع هو ضرب الطلاب لكن مافيش حاجه قالت ممنوع ضرب المدرسين وبعد الفلكه لكل راسب فى الامتحان هيقولوه ….يافاشل …. هى كلمة فاشل دى بتعصبك؟؟؟؟ طب يافاشل ….. يافاشل يافاشل ….. يافاشل يافاشل يافاشل………