Category Archives: مرضى

مش مفروض ياوزارة التربية والتعليم اعطى راحة للمعلميين بالاختبارات

مش مفروض يابتوع الاكاديمية اعرف ان هناك ناس كبيرة بالسن مريضه وعليلة ستدخل اختبارات كادر الذل والمهانة اللى ارتضيناة ولم يتدخل احد من الكبار طبعا اكبر من الجنرال الدكتور الوزير علشان يوقفه
دا حتى ربنا نزع من قلوبهم الرحمة
مين بقى هيدفع بدل السفر اليوم ده مين هيغدينا ان شاء الله
مش مفروض اللى يدعى لحاجه يكون ادها ولا انتو مصروف الجيب اللى بتعطوة لنا باصين له كمان وفاكرين انه هيكفى المواصلات والمياة والتاكسيات
روح ياوزير التعليم منك لله انته وبتوع الاكاديمية وكل اللى شغاليين معاك ربنا يعذبك فى الدنيا وفى قبرك ولاتجد من يسقيك يابعيد وربنا يجعل حديث رسول الله صلى الله علية وسلم من حظك ومن نصيبك انته وجميع مستشاريك والعاملين معك المستترين
“اللهم من ولى أمر من امور امتى وترفق بهم فترفق به ومن شد عليهم اشدد عليه”
صدق رسول الله صلى الله عليه وسلم
ابقى بقى خلى مستشاريك ينفعوك يوم يفر المرء من اخيه وامه وبنيه كمل انته ان كنت تعرف

ربنا عمى بصيرتك وجعلك مبسوط بالجاه والسلطان

ان شاء الله تحشروا مع فرعون وهامان وابى بن خلف

ومش عارف ان كل ده حمل عليك

والمصيبه انتم ستقوموا بامتحاننا باشياء لاتفعلوها

نعم ايها الحكومة لقد اوقعك هذا الوزير فى اكبر مطب

انه جعل مليون و200 الف مدرس يقرأوا عن الديمقراطيه التى لاتتحقق عندنا الا للسادة
والنبلاء
لقد جعلهم يقرأون ويستيقظون انه لابد من وجود بيئه تعليميه نظيفه عكس مايرون على الطبيعه سيعقد الجميع المقارنات
انتم اللى ولعتوها على نفسكم من غير ماتعرفوا
اصل دى كانت فترة اجازة صيفيه وانتم تشعرون بالمسئؤلية ازاى تسيبوا الناس ترتاح من خلقكم العكرة ويدوروا على لقمه العيش

نعم هذا امتحان ليس فى الكادر
وانما امتحان سقط فيه نقيب المعلمين ونقابته والوزير وشلته والحكومة التى صمت اذانها عن طلبات المدرسين ومرمطوا سمعه المعلم المصرى بالارض بعد ان كنتم جميعكم تقتاتون من وراء سعيه وجريه بالبلاد العربية
لقد خدعكم وزير التعليم وايقظ المارد النائم داخل المعلمين الذى سيطالبكم بتحقيق ماوعدتم به ولن يسكت عنكم الراى العام لانكم مثلتم بحمله مشاعل النور علشان شويه هليبه وشويه صحفييم مأجورين وشويه مجرمين خسيسين ارادوا الاشتراك بلعبه اهانه المعلم المصرى
واكاد اجزم انكم لن تتحملوا مردود ماواقعكم فيه وزير التعليم وشلته لقد صنعتم الاعصار بايديكم

ومشكلتكم انكم تعتقدون اننا بالمحافظات نعطى دروس زى بعض المارقين
انتى ياحكومة وبالاحرى رجالك هم من صنعوا امثال هؤلاء انما البقيه مش فاضية
بتقول يارب
واحنا داخليين على شهر طاهر
ربنا كريم