Category Archives: دور النقابة

نطالب بحل نقابة المعلمين وأرجاع الفلوس المخصومة من قبل

طبعا النقابة
لم أعرف لها أى دور بتاتا
غير خصومات مننا علشان البعض يروح يصيف على حسابنا
النقابة المستغطى بها عريان
مجرد مبنى ولانعرفها الا لما نكون عاوزين نعمل كرنية وبيأجروها صالة أفراح بالليل
أيه بقى الفايدة ومادورها ولا حاجة نهائيا
ألا التزمير مع اللى بيزمروا
ومسيطر عليها بتوع التعليم للابتدائى
خلاص لقد أن الاوان أن نتخلص ممن يعمل بأسمائنا ولايعبر عننا
وأنما هو المستفيد الوحيد ولم أعرف لها دور نهائى
ألى كدا وشكر وأرجعوا للناس فلوسهم وشكرا وربنا يحاسبكم على الباقى
والى وزارة التربية والتعليم ليس من حقك أن تخصمى مليم من راتب المعلم لصالح أى جهة
أنتم تسلمونا مرتبنا كامل لان الاوراق بتضيع وبعدين تيجى هيئة التأمينات والمعاشات تقول مانعرفش حاجة والنقابة برضة مانعرفش حاجة وصندوق الزمالة مانعرفش حاجة
والوزارة متمثلة بالادارات التعليمية ليس لها اى دور الا احتراف انواع الخصومات
لاتخصموا شىء وأعطوا الناس مرتباتها كامله وكل واحد عاقل هيشترك لحاله
مش عاوزين اى خدمة منكم طالما ان الموظف يطلع على المعاش ولايجد اى وصلات او اوراق بالادارة التعليمية وحظة الاسود انه لو كان واخد اجازة بدون مرتب
مع أن الاجازات لايوافق عليها الا بعد احضار وصلات الدفع للنقابة والزمالة وانما
اتحدى بتوع التطوير بالوزارة ان يجدوا اوراق وخصومات اى معلم كاملة
يعنى المعلم لما يطلع معاش يعانى الامرين واحيانا النقابه تدفعه تانى وصندوق الزمالة وهذه نتيجة اخطاء الدولة متمثلة بوزارة التربية والتعليم بتدخلها السافر وعمل خصومات بالعافية لصالح تلك الهيئات ليتم التلاعب بها وبالناس
أحسن ريحوا نفسكم ووفروا وقت وجهد وموظفين المعلم ياخد مرتبه كامل وهو حر
يراجع هيئة التامينات والمعاشات والنقابه وصندوق الزمالة ولو مخيرين فكوا النقابه مالهاش لازمة
مش عارف الناس دى بترفض التطوير والتغيير لييه ولا هو كلام وبس