Daily Archives: November 13, 2008

إنهاء تعاقد معلم كسر ذراع تلميذة فى دمياط

إنهاء تعاقد معلم كسر ذراع تلميذة فى دمياط

يامعالى الوزير ولما مدير مدرسة معاه دبلوم هو اللى يضرب عيل العام الفائت جاى من دول الخليج

ويقول يأوﻻد ال………

ويضرب بالحزام

وطبعا المدرسين اللى معاه بالمدرسة والوكﻻء محدش هيفتح بقه علشان التقارير السنوية وعلشان مايتنقلش

متشكرين اوى ان انتم خليتوا بتوع الدبلومات هما المسيطرين

أنتم غير أمناء على تعليم أولادنا ومن الخطأ أن نضعهم رهن أيديكم


شوفوا الاسباب وأن كنا مخطئين قولوا

1- ركزتم المكافأت والبدلات بأعلى الهرم وتركتم المدرس الذى هو أصل العملية التعليمية بدأ من الوزير وحتى مدير المدرسة بأن خصصتم لهم البدلات والعلاوات
2- كلكم لم تحلوا مشكلة من أرض الواقع وأنما تفننتم بوضع السياسات فقط ونسيتم ان التعليم يختلف عن الوزارات الاخرى
3- كل جهدكم ينصب على طمس الحقائق بأرض الواقع وكل شويه قانون لتكبيل المدرس رغم أنه الاصل
4- كل جهدكم ينصب على الشكليات ولم تهتموا بالتغذية الرجعية
5- دائما نحن المعلمين محل شك
6- التطوير فقط بالقاهرة والاسكندرية
7- أسرفتم فى تعيين القيادات الديكتاتورية ولكن لم تعرفوا معنى مردود ذلك عليكم من كرة الناس لكم القيادات التى تنكل بكل ماهو صحيح طالما انها تقول لكم تمام يافندم
8- مازلتم تعملون بنظام هات ورقة وخد ورقه رغم التطوير الذى تزعمونة
9- تعيين مديرى مدارس لم يتم اختبارهم نفسيا لدرجة اننى انكسف ان اعرض لكم تعليق احد الطلاب على مدير مدرسة وهو طالب بالصف الثالث الاعدادى بمدرسة بركة السبع الاعدادية بنين
10 – ادارة بركة السبع التعليمية يتجسد بها كل صور الظلم لحكمكم على اولادنا وعلى المعلمين
11- ماهى النتيجة لعرض اى تقرير لكشف السلبيات هو ان يعقد مدير المدرسة ابو دبلوم اجتماع لكى يعرف من اوشى به وبالانحرافات بمدرسته التى تعكس عكس بيانات الوزير
12 – اذا فقدتم مصداقيتكم بامثال هذه القيادات الظالمة المتجاوزة لكل حدود الادب مع اولادنا وتتحملون وزرهم
13- النتيجة الحتمية ان الكل يرى انه لافائدة من عرض اى شىء طيب وماهى نتيجة زيارة لجنة الوزارة لاشىء
طالما ان الميت سيتم دفنة
14 – الدولة ترسم السياسات التعليمية لكن الهاجس الامنى هو المسيطر بدليل تعيين موظف امنى بكل ادارة تعليمية لنقل بيانات المدرسيين الى وزارة الداخلية ومانعرفة مصيبه وعار عليكم
15 – انتم اساس البلاء كله لو ان هذه القيادات تم محاورتها ومناقشتها مباشرة من القيادة الاعلى لكن كل واحد حتى المتابعين لايقدموا حلول وانما التأكد من أن كل الاوراق سليمة
16- وجود مدارس كثيرة مثل مدرسة الاعدادية بنين ببركة السبع عار عليكم اين الملاعب اين فصول ومعامل المدرسة اين الوزارة والادارة من ادارة المدرسة الديكتاتورية
17- تركتم حملة الدبلومات الفنية يتحكمون بكل شىء خارج الوزارة وشردتم حملة البكالوريوس والليسانس خريجى كليات التربية لانهم يناقشوكم ويقولوا لكم لا اما حملة الدبلومات تمام يافندم والنتيجة هى ماترونة على ارض الواقع
وهم من الذكاء بحيث يعرفوا هو مايهم الادارة الاعلى ويلعبوا على وترها بدليل تم اقامة حفل العام الماضى بالاعدادية بنات وادت البنات التمارين على موسيقى على عين موليتى ياخلاوة اصبح تعليمكم على عين موليتى بدليل ان ماينفع بالقاهرة لاينفع عندنا ايها السادة الافاضل
18- عار عليكم ان يتم تعيين مدير اى مدرسة وهو دبلوم دبلوم عارفيين يعنى ايه

19- مش عاوز اشوف وش اى واحد فيكم لانكم تعشقون الاعلام المزيف وركزتم على القاهرة لقربها من اعلامكم المزيف ونكلتم بنا هنا بالارياف وبتوع القاهرة مش فاضيين لييكم وراهم مصالحهم اذا تضعون كل شىء بغير محلها
20 – اليابان ترسل تلاميذ الابتدائى الى جدة لكى يرسموا البيئة الاسلامية من ارض الواقع وانتم مدرس الرسم بغالبية الوزارة دبلوم

مصر تفوز بجائزة اليونسكو لتطوير التعليم لعام 2008

على فكرة الجايزة دى ممكن يفوز بها اى عيل صغير

هى فرقعه اعلامية وبس

توووووووووووووووووووووت

طع
طع
طع

مصر تفوز بجائزة اليونسكو لتطوير التعليم لعام 2008

التعليم المصرى ياول تفعيل التعليم الإلكترونى

التعليم المصرى يحاول تفعيل التعليم الإلكترونى

ياجميل يابو صورة جميلة

انته مكبر دماغك ولا سأل فينا

صباح الخير يأكسلانس

بص يامعالى الوزير انا مش هنافقك

انته عامل التطوير بتاعك لاولاد الاغنية بس
سيبك مننا
زى حكومتنا مابتاخد الضرايب والفلوس والمصاريف علشان تعمل تنمية بالقاهرة والاسكندرية وحول قصوركم

انته كذلك بتاخد فلوس ومصاريف من اولاد

الناس الغلابه وبتعقد اتفاقيات او بالاحرى المسئؤليين بوزارة التربية والتعليم
يعقدوا اتفاقيات بحجة تطوير التعليم ويتم ارسال اولاد الناس الكبار بها
تقدر تقوللى على مدرس فقير
ارسلته الوزارة مدرس من الارياف
اللى هيكدبنى هديله اسماء انته وعلان لييه خد
عندك من يومين بالفيديو كونفرنس طلعت واحدة بالتعليم عن بعد من القاهرة انا مش هحط اسمها تعطى محاضرة وعاوزانا نخلى اولادنا يدخلوا على اليوتيوب
ويشوفوا ام بى سى 2
بالتحديد يوم عشرة

ماشى
وطلعت بنت مين بنت واحد غنى كبير كان موصلها المطار بعربية بى ام دبليو

علشان رايحة امريكا تحضر

نيابه عننا
وصباح الخير ياكسلانس وكلة تمام علشان العيال اللى بالارياف والنجوه مش هيتكلموا لكن هيهات
اهو ده التطوير بتاعكم بعهدكم وعهد حكومتكم الموقرة
تطوير وتنمية بيوت واولاد الناس الكبار
والشعب كله يدفع لتنميه
شوارعكم ومدارسكم وبيوتكم
وان تكلمنا ناخد على دماغنا
زى انته مارسلت لجنه علشان تتاكد ان كلامى صح ان انفاق وزارة التربية والتعليم 166 مليون جنيه على صيانه المدارس قبل بداية الدراسة كذب وافتراء

كلها هييصة
ولاتقدموا ولاتأخروا وماتريدونة تفعلونه
والشعب الضحية كلما زادت الفاتورة عندكم عاوزينا ندفعها ايوة
وتجيبوا لنا هنا بالدلتا كمبيوترات زبالة نفايات اوروبا
وانتم وعيالكم تأخدوا لابتوبات بالهبل

وكله باسم الشعب المصرى
ادفعوا لتنمية اولاد الكبار والمسئؤليين ومن تختارهم من المرضى عنهم بوزارة التربية والتعليم ونحن كالكلاب ترمون لنا العظم
منكم لله ياظلمه

ولا بتعملوا ولاهتعملوا حاجه

ادفعوا للضحك عليكم ادفعوا لتطوير مدارس الكبار ادفعوا وكل الاتفاقيات تتم باسم الشعب المصرى
واحنا من ندفع من جيوبنا لحضور الدورات وندفع من جيوبنا لشراء الكمبيوترات المعفنه علشان نتعلم علشان نرضيكم
منكم لله


انطلاق المرحلة الأولى لمشروع بث برامج تعليمية على الإنترنت والبداية بالصفين السادس الابتدائى والثالث الإعداد

انطلاق المرحلة الأولى لمشروع بث برامج تعليمية على الإنترنت والبداية بالصفين السادس الابتدائى والثالث الإعدادى

انطلقت أمس، أولى مراحل مشروع إنشاء وتطوير بوابة التعليم الإلكترونى فى مصر تحت اسم «بوابة سكول مصر» www.school.com.eg

سبب نكبة التعليم أنتم ومديرى المدارس حملة الدبلومات الفنية

من اﻻخر بزمتك
واحد دبلوم صنايع
وواحد كان دبلوم زراعة

اساسا ماكانش فالح دراسيا ينفع يمسك مدير مدرسة باﻻقدمية

حد يقول ان مدرس معاه دبلوم باﻻقدمية يدرس كمبيوتر
ويبقى مشرف نشاط
ويبقى وكيل مدرسة

وباﻻقدميه وكيل

معظم العاملين بادارة بركة السبع التعليمية كده

وسلملى على التطوير

علشان اﻻرزاق
وقطع اﻻرزاق مش هنديكم اسامى

والوزارة والمديرية غارقين فى النظريات والسياسات

وكل واحد من بتوع الدبلومات بادارة بركة السبع التعليمية

وكل مدير معاه دبلوم وبياكل عيش يتلم

ويلم لسانة عن الطلبة بدل مانحط اساميهم وازاى كانوا بيضرب العيال بالحزام

وبيقول الفاظ للتﻻميذ ترمية فى الشارع

انا صبرى قليل

اى مدرس او عامل

او مدير مدرشة يتجاوز باى مكان

بالجمهورية هنحط اسمه هنا

وهنفضحة

احنا اللى هنحاسب بعض وعلنا

علشان اللى عندة حاجة يعلمها لاوﻻدنا اهﻻ وسهﻻ

اللى ماعندوش من اﻻخر يقعد عند امه

دى ياخويا انته وهو تربية وتعليم مش ورشه

كفايه اوى لحدكده علشان اللى شفناه وسمعناه عن حملة الدبلومات بوزارة التربية والتعليم بيوقف الشعر

ولعلمكم انتم مابتصلحوش حاجه ﻻتسكتوا علشان اى واحد تعرفوة الكل يصلح نفسه قبل مايﻻقى اسمه هنا

مصلحة اوﻻدنا فوق كل شىء العيب فينا احنا وفى تنفيذ السياسات

مش العيب فى السياسات

والى حملة الدبلومات الدولة والمجتمع رأفت بحالك

وجعلتك مدرس وانته ﻻتصلح عامل بورشه

يبقى مالوش ﻻزمه تسمع اوﻻدنا الفاظ مالهاش ﻻزمة مش معنى انك مدير مدرسة

يبقى معاك سيف ﻻ

ايها المعلمون الساكت عن الحق شيطان اخرس

هلموا جميعا وهنأخد بيد حملة الدبلومات مش هنزعلهم بس يلموا نفسهم والسوقيه مالهاش ﻻزمه

شوفوا انا ﻻيهمنى اﻻ اﻻلفاظ السوقيه اللى بتطلع منهم على عيالنا

وبتاع الدبلومات الفنية بتوع كله تمام يافندم

الطريق صعب امامنا علشان سكتنا كتير

زى الحلو اللى فاتح دكان بقالة

بمدرسة الجمهورية ببركة السبع ومدرس رسم
ويمد التلميذ على رجلة

علشان الكراسة صغيرة

كتك ضربة فى بطنك

ماهو لو كان ابوة صايع كان ضربك فى المدرسة

الدين بيقول كده وهوريك صور حاﻻ

والمدير بتاعك طرمخ عليك وكتم

سامع لكن الخوجة كان وسطكم وفضحكم ولو ماعتذرتش لابو الولد اللى أنته عارفه كويس سأضع صورتك واسمك هنا علشان احذر منك هو اللى انته عملته شوية

كتك دأ الميه لما يدأر تحت رجلك

العيب مش عليك العيب على الدولة اللى تعين واحد دبلوم زيك يعلم فلذة اكبادنا انته اخرك الزيت والتموين

وشوفوا هنا حكم الشرع

الجلد

واضغط هنا كمان وشوف

حكم الجلد على معلمة

جلد

انته مفروض يحكم عليك اشد منها لكنهنقول لمين ونسمع من مين
وتتووووووووووووووووت

الجمل ينفى ما تردد عن حرمان المعلم الراسب فى امتحان الكادر من التدريس

نفى الدكتور يسري الجمل وزير التربية والتعليم ما تردد حول حرمان المعلم الذي لم يجتز امتحان الكادر من التدريس ، مؤكدا أنه سيتم تدريبه من خلال أكاديمية المعلمين في المادة التي لم يجتزها فقط من المواد الثلاث التي يدرسها وهى مادة التخصص وأخرى تربوية و”مهارات اللغة العربية”.

وأصدر الجمل تعليماته للقائمين على امتحانات كادر المعلمين بأهمية دراسة تظلمات نتائج امتحانات الكادر بدقة شديدة وإعطاء كل معلم حقه كاملا ، مشيرا إلى حصر أعداد التظلمات وتنقيتها حيث تبين أن عددا كبيرا من المعلمين قد تقدموا بأكثر من تظلم إما عن طريق البريد أو الفاكس والموقع أو البريد الإليكتروني مما أسهم في إظهار عدد المتظلمين أكثر من العدد الفعلي.

وأكد الوزير أن الوزارة تقوم حاليا باتخاذ الإجراءات اللازمة لتسكين المعلمين الذين اجتازوا الاختبارات على أن يتم التنفيذ اعتبارا من أول ديسمبر .

الجدير بالذكر ان نسبة النجاح في امتحانات كادر المعلمين قد بلغت 85 % وقاطعها 125 ألف مدرس، ووصل عدد الراسبين الي أكثر من ‏120‏ ألف معلم رسبوا في المواد التخصصية وهو ما يعتبره المعلمون إضرارا بهم داخل مدارسهم وأمام طلابهم بعد رسوبهم في المواد التي يقومون بتدريسها رغم اطلاعهم المستمر مع الموجهين علي آخر تطورات المناهج‏.‏