دورات انتل بمليج الاعدادية ألغيت علشان سكينة الكهرباء شفتم التهريج

لعل احد يستجيب

شفتم قمة التهريج علشان سكينة الكهرباء مش أصلية ومش متحملة ضغط معامل الكمبيوتر تم الغاء دوة انتل التعليمية

التى يحضرها المدرسين

بعد أسبوع من حضور الدورة يتم الغائها علشان قسم التطوير بمديرية التربية والتعليم ودن من طين وودن من عجين

مش بس كده سلم التهليب والتعليب مستمر

شوفوا السلم التهليبى بوزارة التربية والتعليم

المدرس =لايأخذ شىء انما اجبار لحضور الدورة
المدرب = كل سنه ونص مايقارب 350 جنيه
موظف التطوير = 700 طبعا كل سنة ونص

اكملوا انتم السلم

كل سنه ونصف

تهريج واجبار ونظام بوليسى طالما ان الكبار نسبتهم عالية مش مهم

انا عاوز اعرف مين اللى بيحضر الدورات دى

مين حجر الاساس المدرس والمدرب طيب الباقى من اول موظفى الوزارة ومديريات التربية والتعليم

يأخدوا لييه شغلتهم ايه

اى حاجه فيها سلب ونهب مش عاوزينها

ادى واحدة

وازاى يامديرية التربية والتعليم تطلعى المدرسين من مدارسهم وانتى عندك علم بانقطاع الكهرباء المستمر بمليج

تصفيق/موافقة/موافقة

طيب مين اللى هيدفع للمدرسين اجور المواصلات والتكاتيك

وخروجهم من بيوتهم

اظاهر والله اعلم ان وزارة التربية والتعليم متخيلة ان المدرسين اجورهم الوف مؤلفة وعندهم عربيات

لا والاغرب اين المدارس التى سيطبق بها ذلك

عالم الغت عقولها

مداخلة

ومين اللى بيختار الناس اللى بتدرس دورة تعليمية فيها مناقشة الاهداف

مدرس الكمبيوتر بالمدرسة هيبقى عارف كل المواد

ومين اللى بيختار الناس اللى بتدرس

ومين هيسد مكان المدرسين اللى اخرجوهم من مدارسهم للتدريس بالدورة

وازاى مدرسة انجليزىتترك مدرستها للتدريس ببرنامج انتل

ازاى وازاى

وليه اللى بياخدوا بالوزارة والمديرية والمدرسة مابيجوش يقعدوا معانا علشان معالجة المشكلات

ومن الاساس مين بالمديرية بيختار المدربين

طبعا لازم يكون له معارف بالمديرية

ولييه لاترسل فكرة قبل الدورة الى المدارء من اجل اختصار الوقت

بحيث نكون عارفين احنا رايحين نعمل ايه

ولييه ماتكونش بالاختيار

يعنى اللى عاوز يروح واللى مش عاوز يتنيل على عينيه

مين الكبير صاحب فكرة ان الكل يروح علشان المكافأة تكون كبيرة

وماهى علاقة قسم التطوير التكنولوجى بتاع الحاسب بالفكر التربوى

يعنى ايه علاقته بالمواد المختلفه ده علاقته بالكمبيوتر وبس

شفتم سمك لبن تمر هندى

كالعادة المسئؤليين خارج الخدمة مهنجين

والاغرب ان القيادة السياسية لاتستمع لنا وتركت الحبل على الغارب لوزارة التربية والتعليم وكبار الموظفين

والاغرب ان معامل الكمبيوتر تلك بها اجهزة لاتنفع ببصلة الكل بيسدد خانه وخلاص

لا والمدرسة رغم انها بالجودة الشاملة وبالصيف تم صرف نصف مليون او مايقارب نصف مليون

علشان دخلت الجودة الشاملة

الجودة الشاملة بوزارة التهليب والتعليب

انقطاع الكهرباء

اجهزة كمبيوتر لاتنفع ببصلة

منحه ايطالية معفنه ومنتنه

دورات مياة مغلقة

والمياة مقطوعة

بصراحة مدرسة زبالة

واذا المديرة مشت او غابت تكون المدرسة خارج الخدمة

والمدرس اشبة بالسجون الامريكية

كله نهب فىنهب

مين اللى استلم اجهزة الكمبيوتر المتخلفة دى

مين من هيئة الابنية استلم الكهرباء من المقاول

مين ومين ومين ادى مدرسة واحدة

ولاواحد بيشوف كلهم دفنوا رؤؤسهم بالرمل مثل النعام

ازاى نسكت على حاجه زى دى والمديرية عندها علم هى وادارة شبين الكوم ولايتحرك احد ولن يتحركوا علشان سلسلة

النهب كبيرة اوى

انتم زعلانين لييه

المدرسة امامكم روحوا وشوفوها

وشوفوا ازاى انصرف المبلغ ده على صيانتها

بالعقل وشوفوا

ولييه عقد هذه الدورات بهذا المكان الزبالة

ويتشدقوا عن تطوير التعليم

تطوير ايه يابو تطوير

كل الناس بتكرهكم من كدبكم المستمر

وعاوزين يجبروا المجتمع على السكوت

وعلى ان يرضى بمسلسل النهب المستمر

صحيح حرامية مايختشوش

والمثل بيقول اللى بيينكسف من بنت عمه مابيخلفش

انتم سبب تخلف التعليم ياحرامية

ماهو مسلسل النهب على مايوصل للمدرس لايصلة شىء

املوا بطونكم ومش مهم احنا

حالا يطلع واحد بيحب الحرام وبيتستر علية ويقول الكلام دة مش صحيح

اقول له بالفم المليان كداب

ان كان البعيد اعمى اقرأ ايضا

ماهو الهدف من تدريب المدرسين بدورات انتل وعلى برامج ميكروسوفت اثناء العام الدراسى يالطفى

الدولة تخطط وتصرف

والهليبة ليهم الف سكة وسكة

انا عاوز اعرف مين حجر الاساس والكل بيلهف من وراة


اﻻغرب شوفوا تصريح رئيس الوزراء يوم 20 اكتوبر

تطوير ايه اللى جايين تقولوا عليه

يبقى مين اللى غلطان

الدكتور أحمد نظيف خلال احتفالية تكريم المتفوقين2008, اكتوبر , 20 , الاثنين
خلال احتفالية أقامتها وزارة التربية والتعليم بمدينة مبارك للتعليم بالسادس من أكتوبر،قام أمس الأستاذ الدكتور أحمد نظيف رئيس مجلس الوزراء بتقديم 20 ألف حاسب آلي “شخصي ومحمول” إلي أوائل التعليم الأساسي بمحافظات مصر المختلفة، في تقليد يطبق للمرة الثانية علي التوالي.
وقد بدأت الاحتفالية بكلمة للأستاذ الدكتور يسرى الجمل وزير التربية والتعليم، عرض خلالها أهم إنجازات الوزارة في سبيل الرقى بالعملية التعليمية، مؤكدا أن الثورة التكنولوجية التي تشهدها الوزارة حاليا هي تغيير حتمي لمواكبة التقدم العلمى،مؤكدًا على تنفيذ الوزارة لبرنامج فخامة الرئيس الانتخابى فيما يخص التعليم بجودة وبرنامج زمني غير مسبوق.
وأعلن الأستاذ الدكتور أحمد نظيف رئيس مجلس الوزراء أن المبادرة ستمتد إلى المعلمين المتفوقين، بتقديم 2000 حاسب لهم مع توفير أسلوب ملائم لتيسير حصول المعلمين علي الكمبيوتر بالتقسيط المريح تقديرًا للمعلم الذي يعد العمود الفقري للعملية التعليمية.
وأشار معاليه إلي أن كادر المعلمين سيكون له مراحل أخرى، معربًا عن ثقته فى أن كل معلم قادر على إثبات نجاحه وتفوقه، وأن الإداريين بالمدارس جزء مهم من العملية التعليمية.. وستهتم الحكومة بهم

شويه نصابين جايين يبيعوا المياه بحارة السقايين

شغلكم كله غلط

وأكيد فيه حلقه مفقودة

المدرس هو الاساس كلكم اداريين عند المدرس انما انتم قلبتم الكرسى

وجلستم علية


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s