Daily Archives: October 23, 2008

ماهو الهدف من تدريب المدرسين بدورات انتل وعلى برامج ميكروسوفت اثناء العام الدراسى يالطفى

من الاخر
وزارة التربية والتعليم ومديريات التربية والتعليم والمدارس لسه شغاليين بنظام هات ورقه وخد ورقه حيث اننا من سلاله الفراعنه
فماهو الهدف الذى تسعى ورائه وزارة التربية والتعليم باشغال المدرسين والناس بعقد دورات انتل للتدريب على برامج ميكروزوفت
اثناء العام الدراسى ولقد ظهر فشلها فى ان بيانات جميع المدرسين بالوزارة غلطلان العاملين بها شويه بصمجية بمعنى انه لايوجد تحديث دورى وانما النظام القديم الفاشل هات ورقه وامضى واختم فمن وراء هذه البالونة الكبيرة ومن وراء جعل مادة الكمبيوتر بالاعدادى مادة نجاح وسقوط ولا هو مخطط لجعل الشعب من المهييسين مش الاول الوزارة وحتى اصغر مدرسه ترتبط بقاعده بيانات صحيحه وانما الواقع ان موقع الوزارة يخصص للوزير فقط فماهو سر استيلاء قسم التطوير التكنولوجى اللى هو الحاسب الالى على مخصصات ماليه وغرف التدريس بجميع المدارس ياجماعه مدارس كتير بها كمبيوتر واحد بانتيوم3 ويشغلة واحدمعاه دبلوم
وهل تعتقد الوزارة ومن يعمل بها ان العامل المسئؤل عن معمل الكمبيوتر يتركه للطلبة تعمل عليه او لللمدرسين علشان يلعبوا عليه جيمز
طيب انتو اللى بتخططوا وحلوين اوى فى الاعلام والتهييس والتهجيص فين الحجرات اللى هيستخدم فيها الكمبيوتر هل لديكم فصول كافيه هل كل كل ماده لها الحرية وبها التجهيزات الازمة لا دا الزجاج بمعظم المدارس مكسر
والفصول بالعافيه تتسع لعيالنا يعنى كل دكه بها عشرين مسمار والفصل به اقل حاجه تلاتين نفس ونفس
اظاهر ان احنا مش هنبطل الفشر
ماهو هدفكم
من اشغال المدرسين بترك مدارسهم اثناء العام الدراسى لحضور دورات انتل لصالح من تعملون

لا مش كده وبس حريم ورجاله يتركوا بيوتهم وعيالهم علشان البهوات بتوع المكيفات

لا ونصرف مواصلات من جيوبنا

الان اعميت اعينكم وصمت اذانكم واصابكم الخرس
لأنكم لاتتراجعون عن خطأ ارتكبتموة كما هى عادتكم ابو لمعه المصرى

انتم عارفين ماتفعلوة يسمى ديكتاتورية

طيب الان هات واحد حضر وفاكرحاجه او عارف حاجه بيقولك اهو نبعد عن الجو المقرف بتاع المدارس ونقعد

بمكان هذا ان وجد له مكان بقاعه معمل الكمبيوتر الذى تعقد به الدورة

وهذا مايحدث بالمنوفيه

افراغ المدارس من عشر مدرسين بكل مدرسة مين هيشيل جدولهم

وزارة التربية والتعليم ومديرية التربية والتعليم لاتتراجع ابدا عن خطأ فعلوة

ولا أحد يحاسبهم هو فين استقرار العملية التعليمية بقى

المهم الفرقعه علشان البالونة تكبر

ماذا جنيتم ماهى الفائدة

ماهى وزارة التربية والتعليم ومديريات التربية والتعليم وادارات التربية والتعليم لايوجد بها من يقول لهم لالالالا

على اهدار المال العام

واضاعه الجهد والوقت

وتشريد الاولاد بالشوارع لعيون انتل وميكروزوفت

هل تعملون بما تعلموة وبخداعكم لنا بحجة التطوير التكنولوجى لصالح اكبر شركتين عالميتين بالعالم

ولا هما الشركتين الامريكيتين دول من اسلوب فرض مانتعلمه بالقوة

مش هو ده التدخل الامريكى برضه

مش مهم تعليم المهم الكل يتعلم يستخدم ويخدم الشركات الامريكية علشان احنا دولة من العالم التالت المتخلف

مافيش حد هيقول لالالالا

لان من يقول لالالالا بالعالم التالت يأما السجن يأما الموت

قلنا قبل كده لاأحد يسمع

الشركة هى المسيطرة

علينا حتى بالتعليم

والمدرسين الغلابه مش فاضيين الدولة تعطيهم المرتب باليمين ويأخدوة بالشمال

مواصلات

وانتقالات

وكما ياريت نحوش علشان نشترى برامج ميكروزوفت واجهزة انتل

علشان نلعب جيمز

هو احنا لاقيين ناكل ونتعالج

طيب هات لى ياوزير التعليم كمبيوتر تبريد فريون

ورامات اربعه جيجا

علشان اعرف العب جيمز واشوف المزز

بسرعه وخط دى اس ال

علشان اتابع موقع الوزارة

لان المرتب اللى بيصرفه الموظف او المدرس الغلبان يدوب بيشترى علاج للضغط والسكر ومقوى وفياجرا

عاوز فلوس للدادة وجليسه للاولاد واحنا هنروح الدورات اللى بتقول عليها وياريت عربيه اى كلام

علشان مانضيعش الوقت اصل علاج التأمين الصحى تراب ومابعرفش اقف فى الطابور الا ويجيى لى نزيف من طول الوقفه

ربنا ينتقم منكم يابعده وتشخوا على روحكم

ولاتجدوا تمن العلاج او تقفوا فى الطابوربالتأمين الصحى

وتتقطع هدومكم

طالما انكم فقدتم العقل والمنطق

دورات انتل مستمرة رغم بداية الدراسة شوفوا الهجص والضحك على الناس

دورات انتل بمعامل وزارة التربية والتعليم كالعادة حبر على ورق

دورات انتل مستمرة رغم بداية الدراسة

استهلاك اجهزة معامل الكمبيوتر بالمدارس لصالح انتل وميكروسوفت


تحديث:

كل معامل وزارة التربية والتعليم او غالبيتها لاتصلح لشىء ومعامل مدرسة مليج الاعدادية منظرها حلو لكنها لاتصلح لشىء عجبى شوية هجاصين معامل الكمبيوتر بمدرسة مليج الاعدادية الجديدة
منظر وبس رامات 256 اجهزة متواضعه وكلها مصابة بالاتورن كلها منحة ايطالية
دول عالم هجاصة المدرس الذى يحضر للدورات لايتقاضى ولا مليم مفروض محاكمه من استلم هذه الاجهزة التى لاتصلح لشىء زبالة اوروبا المتخلف اللى استلمها الله لايسامحه واسمها معمل كمبيوتر الكمبيوترات المتواضعه الان رامات اربعه جيجا والمعامل لايوجد بها نت
عالم متخلفه

ليلى المجنى عليها بوزارة التربية والتعليم وبجميع محافظات ومدارس الجمهورية



حظك أسود ومنيل ياليلى لو انتى شغالة مدرسة بوزارة التربية والتعليم


الرجالة زى الحريم

مافيش مكان لخصوصيتك ياليلى

ياليلى لازم تحضرى للمدرسة وتتركى بيتك وعيالك

وتتركى كل حاجه

مافيش حد يهمه حاجة ياليلى

شوفى

الديكتاتورين بيعملوا ايه فى ليلى

دورات انتل مستمرة رغم بداية الدراسة

لا والانكت بيدوكى ملاليم لاتنفع تشترى هدوم ليكى ولا حتى لعيالك

مش مهمك حياتك

مش مهم مستقبلك

مش مهم بيتك

مش مهم استقرارك

مش مهم اى حاجه

المهم الديكتاتورين يجعلوكى لقمه سائغة منهكة القوى

محتارين يعملوا ايه فيكى

استهلاك معامل الكمبيوتر بمدارسنا بعقد دورات تدريبيه لصالح انتل وتسويق برامج ميكروسوفت

دول بتوع كلام ناس معقدة لاتستجيب الا بعد الطوفان لايسمعون الا انفسهم

والكل عاوز ليلى على سنجة عشرة

انتى اللى لازم ترفضى وبشدة انك تكونى السكرتيرة الحلوة

والموظفه المزة

ليكى دور نبيل وليكى شخصية

وليكى مكان لخصوصيتك

انتى اللى سكتى عن حقك اللى هو فى الاخر حقنا

خلاص الرجالة بيرموهم بالسجن وانتى املنا الان ياليلى

التلاميذ يدفعون رواتب العمالة المؤقتة بالمنوفية

مش كان بدل البدﻻت لمدراء اﻻدارات التعليمية ووكيل الوزارة والوزير

والعاملين باﻻكاديمية المهنية

وال 80 مليون

اللى استقطعوهم من تغذية التﻻميذ

كانوا دفعوا الفلوس دى

كل حاجه اصبحت مؤقته بحياتنا

التلاميذ يدفعون رواتب العمالة المؤقتة بالمنوفية

وﻻ بدل عواميد اﻻنارة الجديدة اﻻثرية الغالية اللى مركبة بطريق مدخل شبين امام المجمع الرياضى

كانت الفلوس تصرف كده احسن