ياوزير التعليم سيب اللى فى ايديك وحل مشاكل المعلمين والاهالى محدش بيعمل حاجة

مدرسة السيد البدوى الثانوية ببركة السبع مازالت تتلاعب بالتلاميذ بالصف الاول الثانوى

ولم تعيد المديرة امتحان التلاميذ اللى هى أخرجتهم من المدرسة

وعندها مدرسين مطبلاتيه علشان الدروس

أيوة مطبلاتيه علشان الدروس وكل واحد يلم نفسه

يامن لاتصلحون للتدريس ارحلوا وزارة التربية والتعليم ليست شركة


ادارة مدرسة السيد البدوى الثانوية ببركة السبع على كيفها ولاأحد يحاسبها

أيها المعلمون والموجهون والعاملون بالتربية والتعليم من فضلكم علموا اولادنا بدون ترهيب

لأن أولياء الامور ذكروا اسامى محددة لمدرسين يحجروا على اولادنا ومنهم

واحد بتاع رياضيات

أنا بأقول أهه محدش منكم لييه دعوة بالتلاميذ

ولاتضيقوا عليهم علشان الدروس

لو أستمريتم سنضطر بكل أسف الى ذكر مافى عقولكم ومناقشاتكم مع الاولاد هنا

مش علشان انته وهو تحطوا فلوس حرام بكروشكم من عرق وكد الناس هنسكت لييكم

شويه مدرسين لازقين للتدريس للصف الاول الثانوى للضغط على الاولاد بحجة أعمال السنة ياوزير التعليم وكتبنا ليك مرة قبل كدة

وأنته مش مصدقنا

ونقلنا لك ماقالة مدير التعليم الثانوى بالفصول

ومافعلته مديرة المدرسة

والطرشة اللى مصدرها وكيل الادارة اللى بيقوم بأعمال مدير الادارة لأنكم

لم تختاروا مدير ادارة الى الان

ومايفعلة بعض المدرسين

دول تعودوا على الاسلوب الديكتاتورى من أجل مصالحهم المالية ويعيشون فى تخاريف الماضى

والكل غائب

أين دور الاخصائيين الاجتماعيين

واين دور مدير المدرسة

وأين وكيل الوزارة ومن الاساس أين أنت ياوزير التعليم

كالعادة زعلان من الكل وتارك الكل

أرفع سماعة التليفون وشوف أصول المشكلة التى خلقوها ولم يحترموا أولياء الامور

ولم يحترموا تركهم لااعمالهم وذهابهم لهم

الكل يلم نفسه من غد أن استمر الوضع على التلاعب بالتلاميذ وعدم امتحانهم سنضع اسماء من يصروون على ذلك

احنا فى دولة ديمقراطية زى مابيقول الريس

مش بدولة ديكتاتورية

ولا خلاص ضمنتم ان اولياء الامور هيسكتوا الكل بيتكلم ومحدش بيصدق حد